مه‌سروور بارزانی دێ سه‌ره‌دانا ئه‌مریكا كه‌ت
WAAR-دهۆک:
بریاره ل ناڤه‌راستا ڤێ حه‌فتییێ، شیره‌تكارێ جڤاتا ئاسایشا هه‌رێما كوردستانێ سه‌ره‌دانا ئه‌مریكا بكه‌ت و دگه‌ل ژماره‌یه‌كا به‌رپرسێن ئیداره‌یا واشنتۆن كۆمببیت.
ل گۆری به‌یانه‌كا نوونه‌راتییا حكومه‌تا هه‌رێمێ ل ئه‌مریكا، بریاره ل رۆژا سێ شه‌مبی، مه‌سروور بارزانی شیره‌تكارێ جڤاتا ئاسایشا هه‌رێمێ، سه‌ره‌دانا واشنتۆنێ بكه‌ت و پشكداری كۆنفرانسه‌كێ هزرسازییا هێریتیج لبن ناڤێ مووسلا پشتی داعشێ و نێرینه‌ك ژ كوردستانێ، ببیت و گۆتاره‌كێ پێشكێش بكه‌ت، ل گۆری زانیارییان، مه‌سروور بارزانی دێ دگه‌ل ژماره‌یه‌كا به‌رپرسێن ئیداره‌یا ئه‌مریكا كۆمبیت.
ئه‌ڤه د ده‌مه‌كی دایه، دگه‌ل ده‌ستبكاربوونا دونالد ترامپ سه‌رۆكێ ئه‌مریكا، شانده‌كا هه‌رێمی ب سه‌رۆكایه‌تییا مه‌سروور بارزانی سه‌ره‌دانا واشنتۆن كربوو و دگه‌ل به‌رپرسێن ئیداره‌یانوو كۆمببوون.
تُتاح هذه الصورة أيضا في: کوردی