سهقاناسیا ههرێمێ: تا رۆژا دوشهمبی دێ پلهیێن گهرمایێ بلند مینن
WAAR-دهۆك:
رێڤهبهرییا گشتی یا سهقاناسی و بیڤهلهرزان یا ههرێما كوردستانێ هوشداری دانه وهلاتییان ژ بلندبوونا پلهیێن گهرمایێ و دیاركر: تا رۆژا دوشهمبی دێ پلهیێن گهرمایێ وهسا بلند مینن.
د راگههاندنهكێ دا رێڤهبهرییا گشتی یا سهقاناسی و بیڤهلهرزان یا ههرێما كوردستانێ ئاشكهرا كر: ههر ژ ئهڤرۆ تا رۆژا دوشهمبیا بهێت دێ پلهیێن گهرمایێ وهسا بلند مینن و نێزیكی دو تا سێ پلهیان دێ بلند بن.
د راگههاندنهكێ دا هاتیه ژی: بلندترین پلهیێن پێشبینیكری ل سهنتهرێ پارێزگهها ههولێرێ دێ چل و حهفت پله بیت و ل سلێمانیێ چل و پێنج و ل دهوكێ ژی دێ چل و چوار پله بیت و ل ههر ئێك ژ كهركووك و ههلهبچه ژی دێ چل و نههـ و چل پێنج پله بن.
سهبارهت ناڤهراست و خوارویا ئیراقێ، سهقاناسیێ ئاماژه كریه كو دبیت ل دهڤهرێن ناڤهراست و باشۆرێ ئیراقێ پلهیێن گهرمایێ ژ پێنجی پلهیێن سهدی دهرباز ببن.
تُتاح هذه الصورة أيضا في: کوردی