حکومەتا ھەرێمێ: کۆچێرا دۆستەکێ نێزیکێ گەلێ کورد بوو
WAAR-دهۆك:
حکومەتا ھەرێما کوردستانێ د پەیامەکێ دا سەرەخوەشی ل مالباتا نڤیسکارێ و فۆتۆگرافەرێ فەرەنس کریس کۆچێرا کر و ب دۆستەکێ نێزیکێ گەلێ کورد ناڤکر.
سەفین دزەیی پەیڤدارێ حکومەتا ھەرێمێ د پەیامەکێ دا سەرەخوەشییێن حکومەتا ھەرێمێ ئاراستەی مالباتا کریس کۆچێرا کر و ب دۆستەکێ نێزیکێ گەلێ کورد ناڤکر و گۆت: ل دەستپێکا شورەشا ئیلۆنێ تا نھا پشتەڤانییا گەلێ کوردستانێ کریە و ب سەدان راپۆرت و گۆتار ل سەر دۆزا رەوایا گەلێ کوردستانێ و مافێن وان بەلاڤ کرینە.
ھەروەسا ئاماژەکر کو کۆچێرا یەک ژ وان کەسان بوویە، دۆزا گەلێ کوردستانێ گەھاندییە جیھانا دەرڤە، ب وەغەرا وی ژی کوردستان دۆستەکێ دلسۆزێ خوە ژ دەستدا.
تُتاح هذه الصورة أيضا في: کوردی