ژڤانێ ده‌ستپێكرنا ئۆپەراسیۆنا رزگارکرنا تەلەعفەرێ هاته راگه‌هاندن
WAAR-دهۆك:
ب گۆتنا ئەندامەکێ لژنەیا ئێمناھی و بەرگریێ ل جڤاتا نوونەرێن ئیراقێ، ل حەفتییا بھێت دێ ئۆپەراسیۆنا رزگارکرنا تەلەعفەرێ دەستپێکەت.
ماجد غەراوی بۆ مەدیایێن ئیراقی گۆت: ھەمو بەرھەڤیێن سەربازی بۆ دەستپێکرنا ئۆپەراسیۆنا رزگارکرنا تەلەعفەرێ ژ دەستێ رێکخستنا تیرۆرستی یا داعشێ ب داوی ھاتینە، ئاماژەکر کو چاڤەرێیە ل حەفتییا بھێت ھێزێن ئیراقی دەست ب وێ ئۆپەراسیۆنێ بکەن، لێ سات سفرا وێ دێ ژ ئالیێ ھێزێن ئێمناھیێ ڤە ھێت دیارکرن.
وی پەرلەمانتارێ ئیراقی داخۆیانیێن ھێزێن ھەڤپەیمانان رەتکر کو راگەھاندبوو، ل مەھا بھێت دێ ئۆپەراسیۆنا رزگارکرنا تەلەعفەرێ دەستپێکەت و گۆت: دیارکرنا سات سفرا وێ ئۆپەراسیۆنێ ژی، گرێدای فەرماندارێ گشتیێ ھێزێن چەکدارە ل ئیراقێ یە.
تُتاح هذه الصورة أيضا في: کوردی