بارزانی: گەلێ کوردستانێ چو رێیێن دی ژ بلی سەرخوەبوونێ نینن
WAAR-دهۆك:
سەرۆک بارزانی د یادا دامەزراندنا پارتی دا پەیامەک بەلاڤکر و دوپاتکر ژ بلی سەرخوەبوونێ گەلێ کوردستانێ چو رێیەکا دی نینە.
مەسعوود بارزانی د یادا حەفتێ و ئێک سالیا دامەزراندنا پارتییا دیمۆکراتا کوردستانێ دا، پیرۆزباھیێن خوە ئاراستەی کادر و ئەندام و ئالیگرێن پارتی و مالباتێن شەھیدان و پێشمەرگەیێن قارەمان و ھەموو تەخ و چینێن جڤاکی کر.
بارزانی د وێ پەیامێ دا گۆت: پارتی ھەر دامەزراندنا خوە و تا نھا ئالاڤەک بوویە، بۆ ب دەستخستنا ئارمانجێن دیمۆکراتی و نشتیمانی و نەتەوەیی یێن گەلێ کوردستانێ، ھەروەسا د گەل ھێزێن تێکۆشەرێن کوردستانێ دا ئالاڤێ بەرەڤانیێ بوویە، بۆ ماف و پێناسەیا گەلێ کوردستانێ د ھەموو قۆناغەکێ دا، دوپاتکر ژی کو نھا ژی د قۆناغا دانانا بنیات و شەرێ تیرۆرێ و پێنگاڤێن بەرەڤ سەرخوەبوونێ ھەمان ئەرک و رۆل ھەبوویە و د ڤێ رێ دا ژی قۆربانیێن بێ ژمارە داینە.
سەرۆک بارزانی تەکەز ژی کر کو پارتی باوەری ب ئێکرێزی و تەبایی یا ناڤخوەیا کوردستانێ ھەیە و داخواز ژ ئەندام و ئالیگرێن پارتی کر، ب ھەموو شیانان و د گەل ھەموو خەلکێ کوردستانێ دا پشتەڤانیێ ل سەرخوەبوون و رێفراندۆمێ بکەن و گۆت: ژ بلی سەرخوەبوونێ چو رێیەکا دی ل ھەمبەر گەلێ کوردستانێ نینە.
تُتاح هذه الصورة أيضا في: کوردی