سه‌رۆكێ لیستا برایه‌تى و پێكڤه ژیانێ : حه‌شدا شه‌عبى رێگره ل هەمبەری ڤه‌گه‌ریانا ئاواره‌یێن كورد بۆ كه‌ركووكێ
ئه‌ڤرۆ نیۆز :
سه‌رۆكێ لیستا برایه‌تى و پێكڤه ژیانێ ل جڤاتا پارێزگه‌ها كه‌ركوكێ دیارکو:حه‌شدا شه‌عبى و شیعه ل سنورێ پارێزگه‌ها كه‌ركوكێ رێگرن ل ڤه‌گه‌ریانا ئاواره‌یین كورد بۆ سه‌ر مال و حالێن خوه و ئه‌گه‌ر بڤى ره‌نگى هه‌لبژاردنێن جڤاتا نوونه‌رێن عیراقێ بهێنه ئه‌نجامدان دێ مه‌ترسى لسه‌ر وان ده‌ڤه‌را هه‌بیت ئه‌گه‌ر كورد نه‌زڤرنه‌ڤه و هه‌لبژاردن بهێنه كرن.
محه‌مه‌د كه‌مال سه‌رۆكێ لیستا برایه‌تى و پێكڤه ژیانێ ل جڤاتا پارێزگه‌ها كه‌ركووكێ بۆ ئه‌ڤرۆ نیوز خویاكر , ره‌وشا كه‌ركووكێ و مادده‌یێ 140 چۆ ده‌لیڤه نه‌هێلانه كورد كورسیا ب ده‌ست ڤه‌بینن ره‌نگه كورد هه‌ر نه‌شێت پشكدارى هه‌لبژاردنا ژى بیت یان به‌ر بژێر هه‌بن ل هه‌لبژاردنێن بۆرى كوردا ل سنورێ كه‌ركوكێ هه‌شت كورسى هه‌بۆن به‌لێ ئه‌گه‌ر بڤى ره‌نگى بچیت دى َهه‌میا ژ ده‌ست ده‌ت.
سه‌رۆكێ لیستا برایه‌تى و پێكڤه ژیانێ گوتژى , سه‌رۆك وه‌زیرێن عیراقێ خوه نیشان دده‌ت كوسه‌ركه‌فتن ئینایه ب سه‌ر داعش به‌لێ ل هه‌لبژاردنێن داهاتى عه‌بادى نه‌شێت وه‌ك پێدڤى ده‌نگێن شیعه‌یان ب ده‌ست ڤه‌بینیت و هادى عامرى سه‌رۆكێ رێكراوا به‌در دێ شانسێ وی باشتر بیت کو ببیتە سه‌رۆك وه‌زیر .
محه‌مه‌د كه‌مال خویاكر ژى،پشتى روودانێن 16 ێ ئوكتوبه‌رێ هه‌موو كورد ل سنورێ كه‌ركوكێ ئاواره بووینه و ئه‌گه‌ر نه‌زڤرنه‌ڤه و هه‌لبژاردن بهێنه ئه‌نجام دان كورد ره‌نگه ل سنورێ كه‌ركوكێ نه‌شێت چۆ كورسیا ب ده‌ست ڤه‌بینیت بێ به‌هر بیت ل هه‌لبژاردنان.
تُتاح هذه الصورة أيضا في: کوردی