مەسروور بارزانی: تەعریبکرنا دەڤەرەێن کریستیانان ناهێت قەبوولکرن
WAAR-دهۆك:
مەسروور بارزانی دگەل مەترانێ کەنیسەیا ئۆرتۆدۆکسا سریانی یا کوردستانێ کۆم بوو و راگەهاند: پرۆسەیا توعریبکرنا دەڤەریێن کریستیانان ب چ رەنگا ناهێت قەبوولکرن.
مەسروور بارزانی، شیرەتکارێ جڤاتا ئاساییشا هەرێما کوردستانێ ئەڤرۆ ل هەولێرا پایتەخت پێشوازی ل نیکۆدیمۆس داود شەرەف، مەترانێ کەنیسەیا ئۆرتۆدۆکسا سریانی یا هەرێما کوردستانێ و مووسل و کەرکووکێ کر و رەوشا ئاوارەیێن کریستیان یێن دەشتا نەینەوا گۆتوبێژ کر.
مەترانێ کەنیسەیا سریانی د کۆمبوونێ دا راگەهاند: هەرێما کوردستانێ هەردەم پەناگەهەکا ئارام بۆ هەموو کریستیانێن ئیراقێ بوویە و داخواز کر: ب زووترین وەخت فشارێن ل سەر هەرێمێ بهێن راکرن.
ژ ئالییێ خوە ڤە مەسروور بارزانی ژی دلگرانیا خوە ژ رەوشا کریستیانێن دەڤەرا نەینەوا راگەهاند و گۆت: بنپێکرنا مافێن ئۆلی یێن کریستیانان ب چ رەنگان ناهێت قەبوولکرن و دوپات کر: کوردستان دێ هەردەم مینیت جهێ پێکڤەژیانێ و پاراستنا مافێن هەموو پێکهاتەیێن نەتەوەیی و ئۆلی.
تُتاح هذه الصورة أيضا في: کوردی