میدیایێن جیهانی پێشبینیا شکەستنا تورکیا ل عەفرینێ دکەن
WAAR-دهۆك:
میدیایێن جیهانی پێشبینیا شکەستنا ئۆپەراسیۆنا تورکیا ل سه‌ر عەفرینێ دکەن و هۆشداری ژی ژ تاوانێن مرۆڤی داینه.
د میدیایێن جیهانی دا، هێرشا تورکیا یا سەر عەفرینا رۆژئاڤایێ کوردستانێ ئێک ژ گرنگترین بابەتانە، رۆژنامەیا دی ڤێلت یا ئەلمانی رادگەهینیت؛ بێی کو زیان ب سڤیلان بکەڤیت و مافێن مرۆڤی بهێن بنپێکرن، زەحمەتە تورکیا د بزاڤێن خوە یێن سەربازی دا ل سووریێ سەربکەڤیت.
هەروەسا لۆ مۆند یا فرەنسی دبێژیت: ئارمانجا تورکیا ل سووریێ هەر ژ دەستپێکێ کورد بوون، لێ تنێ ب بهانەیا ئێخستنا بەشار ئەسەدی شیا هەژموونا خوە ل سووریێ زێدە بکەت و هێرشێن خوە یێن نها ل عەفرینێ یاسایی بکەت.
ئاژانسا رۆیتەرز ژی پێشبینی دکەت، سوپایێ تورکیا ناگەهیت ئارمانجا خوە یا پاقژکرنا تەڤایا رۆژئاڤایێ کوردستانێ ژ شەرڤانێن یەپەگێ، ژبەر کو تا نها د دەهـ رۆژێن هێرشێن خوە دا چ پێشکەفتن نەکرینە.
تُتاح هذه الصورة أيضا في: کوردی