پەرلەمانێ کوردستانێ دێ ل دۆر پرۆژەیا چاکسازیێ کۆم بیت
WAAR-دهۆك:
بریاره سوبه رۆژا دوشهمبی پەرلەمانێ کوردستانێ کۆم ببیت و گۆتوبێژا پرۆژه قانوونا چاكسازییا مووچهیێ خانهنشینان بكهت.
د بهیانهكێ دا، سهرۆكاتییا پهڕلهمانێ كوردستانێ دیاركرییه، پەرلەمانێ کوردستانێ سوبە دێ ل سات یازده کۆم بیت و ژ ههموو ئهندامان خواستییه بهرههڤ ببن، ل گۆرهیی زانیاریێن وار، پهڕلهمان دێ گۆتوبێژا پرۆژه قانوونا چاكسازیێ د مووچه و دهرمالهیێن خانهنشینێن نهیاسایی دا كهت.
ل داوییا مهها شوباتا ئهڤ ساله، پەڕلەمانێ کوردستانێ پرۆژهقانوونا چاکسازییێن مووچەیێ خانەنشینان كو ژ بیست و سێ ماددهیت پێكدهێت پهسهندكر، ئهو پرۆژه كو ژ ئالیێ حكومهتا ههرێمێ ڤه هاتبوو ئامادهكرن، گهر ب تهمامی بهێته بجهئینان، دێ مەھانە سەد تا سهد و پێنجی ملیار دینارێن خانهنشینێن نهیاسایی بۆ خزینهیا گشتی ڤەگەرینیت.
پشتی پهسهندكرنا وێ قانوونێ، نهرازیبووونهكا مهزن پهیدابوو ب تایبهت ل سهر مووچهیێن پله بلند و پهرلهمانتاران، لهو سهرۆكاتییا پهڕلهمانی دووباره ئهو قانوونه ڤهگهراند و دێ پێداچوون تێدا هێته كرن.
تُتاح هذه الصورة أيضا في: کوردی