تەمەللی: چاڤەرێ نە سوبە دادگەھـ بریارێ ل دۆر ئازادکرنا دەمیرتاشی بدەت

تەمەللی: چاڤەرێ نە سوبە دادگەھـ بریارێ ل دۆر ئازادکرنا دەمیرتاشی بدەت
WAAR-دهۆك:

ھەڤسەرۆکێ پارتییا دیمۆکراتیک یا گەلان ھەدەپێ راگەھاند؛ پێدڤییە تاریاتییا ل سەر ھەلبژارتنێ بیست و چارێ خزیرانێ بھێتە راکرن و ئەو چاڤەرێ ئازادکرنا سەلاحەددین دەمیرتاشی نە.
سەزای تەمەللی د پرێسکۆنفرانسەکی دا راگەھاند؛ حەفتییا بۆری پارێزەران سەرەدانا دەمیرتاشی کر بوو، ئەو چاڤەرێ نە سوبە دادگەھـ بریارا خوە بدەت و ئازادکرنا دەمیرتاشی داخوازا وانە.
تەمەللی ئاشکرا کر، پێدڤییە ھەمو بەربژارێن ھەلبژارتنێن سەرۆککۆماریێ ماف ھەبیت بانگەشێ بۆ خوە بکەن، ژێستاندنا وی مافی ژی ژ بەربژارەکی بنپێکرنا بنەماییێن سەرەکییە.
ھەڤسەرۆکێ ھەدەپێ گۆت ژی: پێدڤییە بەربژارێن پارتییێن دی یێن ھەلبژارتنێن سەرۆککۆمارییێ ل دەمیرتاشی خودان دەرکەڤن، دا ئەو تاریاتییا ل سەر ھەلبژارتنێن بیست و چارێ خزیرانێ نەمینیت.

تُتاح هذه الصورة أيضا في: کوردی