نێچێرڤان بارزانی: داخوازا ئێكرێزییا ئالیێن كوردستانی دكهین
WAAR-دهۆك:
جێگرێ سهرۆكێ پارتی ئهڤرۆ راگههاند؛ پارتی دگهل حكومهتا ههڤپشكیێ یه و داخواز ژ ئالیێن سیاسیێن كوردستانێ كر، دهست ب گۆتوبێژن پكێئینانا كارنامهیهكا ههڤپشك بۆ بهغدایێ بكهن.
جێگرێ سهرۆكێ پارتی ئهڤرۆ راگههاندنهك لدۆر ئهنجامێن ههلبژارتنان و سهركهفتنا پارتی بهلاڤكر بهلاڤكر و راگههاند؛ ئهو دوپاتیێ ل حكومهتا ههڤپشكیێ دكهن و خواست ئالیێن كوردستانی یهك رێز بن و كارنامهیهكا ههڤپشك بدانن.
نێچیرڤان بارزانی: سهركهفتن ل ههموو ئهندام و ئالیگرێن پارتی پیرۆزكر و گۆت: سهركهفتنا پارتی ژ بۆ بهرگریكرنا وێ ژ دهستكهفتێن كوردستانێ ڤهدگهڕیت و خهباتا بهردهواما سهرۆك بارزانی ل پێناڤێ ئارمانجێن كوردستانێ ڤهدگهریت، ههروهها چالاكییا تهڤ ئۆرگان و كادرێ وێ.
نێچیرڤان بارزانی ل دهمهكی سوپاسییا خهلكێ كوردستانێ ژبۆ پشكدارییا وان د ههلبژارتنان دا كر، خواست ژی، ئالیێن كوردستانی یهك رێز بن و ناكۆكیێن د ناڤبهرا خوه دا ل ئالییهكی دانن و گۆتوبێژێن پێكئینانا كارنامهیهكا ههڤپشك دهست پێ بكهن.
ژبۆ وێ ئارمانجێ ژی، نێچیرڤان بارزانی بهرههڤییا پارتی ژبۆ ههر گۆتوبێژهكێ راگههاند.
دهربارهی حكومهتا نوو یا ئیراقێ ژی، جێگرێ سهرۆكێ پارتی گۆت: دڤێت حكومهت ل سهر بنهمایێ ههڤپشكییا كارا یا گهلێ كورد بهێت پێكئینان، ههروهها حكومهت و پهڕلهمانێ نوو دهستووری بجهـ بینن.
ههروهها دوپات كر، ئهو ئامادهنه گۆتوبێژێن ئاڤاكهر ل سهر بنهمایێ دهستووری دگهل بهغدایێ دهست پێ بكهن.
تُتاح هذه الصورة أيضا في: کوردی