رۆژنامهكا لهندهنى:پێكئينانا حوكمهتا نوو يا عيراقێ دێ يا بزهحمهت بيت
ئهڤرۆنيوز:
رۆژناما حهيات يا لهندهنى دراپۆرتهكێ دا بهلاڤكر، ب سهركهفتنا موقتهدا سهدر بۆ رێزا بهراهيێ لسهر شانۆيا سياسى ل عيراقێ، گهلهك ژ ههڤكێشان دێ گوهۆريت وپێكئينانا حوكمهتا داهاتى يا عيراقێ يا ب ساناهى نابيت.
رۆژناما ناڤبرى ئهڤرۆ دوشهمبى 14/5/2018 دراپۆرتهكا خوهدا دبێژيت” ئهنجامێن ههلبژارتنان سێ ئاماژێن نوو يێن تێدا، يا ئێكێ پاشڤهچوونا سهركردێن كلاسيكى يه كو ب ( پاسهوانێن كهڤن) دهێنه نياسين وهكو نورى مالكى وئهياد عهلاوى كو كهفتينه رێزێن پشت گهلهك ليستێن سياسى”.
ل دۆر ئاماژا دويێ، ديار دكهت” پاشڤهچوونا حهيدهر عهبادى سهرۆك وهزيرێن نوكه يێ عيراقێ كو چاڤهرێ لێ دهاته كرن ههڤركيهكا توند ل گهل ههڤركێن خوه يێن نوو بكهت”.
ئاماژا سيێ ژى ل دووڤ وێ رۆژنامێ” پێشكهفتنا ههڤپهيمانيا (سائيرون) كو ب سهركهفتنا وێ ههڤپهيمانيێ، موقتهدا سهدر بۆ جارا ئێكێ يه دهێته رێزا بهراهيێ يا دهستههلاتا عيراقێ وشانۆيا سياسى”.
دياركر ژى كو ب دهركهفتنا ڤان ئاماژان، پێكئينانا حوكمهتا نوو يا عيراقێ يا ب ساناهى نابيت، ئهگهرێ سهرهكى يێ پێشبينيێ ژى دهركهفتنا گهلهك ژ ئاراستێن سياسى يه كو ل گهل ئێك ناهێنه كۆمكرن
تُتاح هذه الصورة أيضا في: کوردی