ده‌سته‌یا ده‌ستپاكیێ دو گه‌نده‌ل ل سلێمانیێ ئاشكرا كرن
WAAR-دهۆك:
ده‌سته‌یا ده‌ستپاكیێ ل هه‌رێما كوردستانێ دو تومه‌تبارێن گه‌نده‌لیێ ل سلێمانیێ ئاشكرا كرن، دادگه‌هێ ژی هه‌ردو تومه‌تبارن ب زیندانێ و ڤه‌گه‌راندنا پاره‌ی سزادان.
ده‌سته‌یا ده‌ستپاكییا هه‌رێما كوردستانێ د به‌یانه‌كێ ئه‌ڤرۆ راگه‌هاند؛ ل ڤێ داویێ دادگه‌ها تاوانان ل سلێمانیێ دو حوكم ل سه‌ر دو كه‌یسێن گه‌نده‌لیێ داینه، حوكمێ ئێكێ گرێدایه كه‌یسه‌كا به‌لنده‌ران بوو كو قه‌بارێ ملیاره‌ك و نه‌هـ سه‌د ملیۆن دینار تێدا دیار نه‌مابوون.
هه‌روه‌ها كه‌یسا دوێ ژی، ل سه‌ر كه‌یسا دیارنه‌مانا نه‌هـ ملیۆن و چارسه‌د هزار دینارێن پارێ كاره‌بێ بوو كو وه‌لاتییان دایه ژ ئالیێ كه‌سه‌كی ڤه هاتینه برن.
ده‌سته‌یا ده‌ستپاكیێ ئاشكرا كرییه، ئه‌و تاوانبار ب حه‌فت سالێن زیندانێ دگه‌ل ڤه‌گه‌راندنا وی پاره‌ی هاتینه سزادان.
تُتاح هذه الصورة أيضا في: کوردی