جڤاتا دادوەری: ھەلوەشاندنا ئەنجامێن ھەلبژارتنان نە د دەستھەلاتا مە دا یە
WAAR-دهۆك:
جڤاتا بلند یا دادوەری یا ئیراقێ راگەھاند؛ دەستەیا دادوەری دەستھەلاتا ھەلوەشاندنا ئەنجامێن دەنگدانێ ل ناڤخوە یا ئیراقێ و دەرڤە نینە.
جڤاتا بلند یا دادوەری یا ئیراقێ د رووھنکرنەکێ دا بەحس ل تانێن ل سەر ئەنجامێن ھەلبژارتنان و کارێ لژنەیێن دادوەری کر و گۆت: ئەگەر سکالاکار ب بەرسڤا جڤاتا کۆمسیاران ل سەر سکالا یا خوە رازی نەبوو، ل وی دەمی دکاریت سکالایا خوە ئاراستەی دەستەیا دادوەری یا ئیراقێ بکەت، د دەما دەھـ رۆژان پێشکێش بکەت و ل دەما دەھـ رۆژان بەرسڤ دێ ل سەر بەلگەیێن وی ھێت دان.
جڤاتا بلندا دادوەری یا ئیراقێ دوپاتکر: وان دەستھەلاتا ھەلوەشاندنا دەنگێن ناڤخوە یا ئیراقێ یان دەرڤە نینە، کو پشکەک ژ بەربژار و ئالیێن سیاسی تان لێدایە، ھەروەسا ئەو دەستھەلات نینە ژی داخوازێ ژ کۆمسیۆنێ بکەت کو رێژەکا دەنگان دوبارە بکەت.
د رووھنکرنا جڤاتا بلندا دادوەری یا ئیراقێ ھاتییە: ھزار و ھەشتسەد و ھەشتێ و ئێک سکالا ل سه‌ر ئه‌نجامێن هه‌لبژارتنان بۆ جڤاتا کۆمسییاران ئاراسته‌كرن و تانێن ل بریارێن وان سكالایان هاتینه‌دان گەھشتینە ھزار و دوسەد و بیستێ و ئێک تانان و هه‌ر ده‌ما سكالا بۆ ده‌سته‌یا دادوه‌ری هاتن ره‌وانه‌كرن د ده‌ما ده‌هـ رۆژان دا، دێ هێنه ئێكلایكرن.
تُتاح هذه الصورة أيضا في: کوردی