شنگال.. هێزێن پاراستنا ئێزیدخانێ و حهشدا شهعبی گهف ل ههڤدو كرن
WAAR-دهۆك:
حهشدا شهعبی ل شنگالێ گهف ل هێزێن پاراستنا ئێزیدخانی كرن و پهیامنێرێ وار ژی دیاركر: ههردو هێزان چهپهر ل ههمبهر ههڤ گرتینه.
قهیسهر حهسهن پهیامنێرێ وار ژ زارێ عیدو حهیدهر فهرماندهیێ لیوایا سهر ب هێزێن ئێزیدخانی بهلاڤكر: حهشدا شهعبی ل شنگالێ داخواز ژ هێزێن وان كرییه چهكێن خوه بدانن و رادهستی هێزێن وان بكهن، لێ هێزێن پاراستنا ئیزیدخانی داخوازییا وان رهت كرییه.
گۆت ژی: هێزێن پاراستنا ئێزیدخانی كهتینه د ئامادهباشیێ دا و ههردو هێزان چهپهر ل ههمبهر ههڤدو گرتینه.
وی فهرماندهیێ هێزێن ئێزیدخانی زێدهتر گۆت: ئهوان چ پێنگاڤێن شاش ل ههمبهر حهشدێ نههاڤێتینه و هێزێن وان ب ئهركێ پاراستنا جهێن ئێزدییان رادبن، لێ داخوازییا وان یا دانانا چهكی قهبولناكهن و دێ بهرگریێ ژ جهێن خوه كهن.
تُتاح هذه الصورة أيضا في: کوردی