ژمارەكا پرۆژا ل كۆمەلگەها خانكێ دئێنە چێكرن
تۆرا لالش یا راگەهاندنێ
سەرۆكێ باژێرڤانیا خانكێ دیاركر،كو دماوێ پێنج هەیڤێن بۆری دە ژمارەكا پرۆژەیان ل كۆمەلگەهێ هاتینە چێكرن و بجهئینان،نێزیكی سەد ملیۆن دیناران بۆ پرۆژا هاتینە تەرخانكرن و ل قۆناغێن داویێ دانە.
ئەندازیار”حەمود غەربی”بۆ رۆژناما دەنگێ لالش خویاكر:”ژپرۆژەیێن دماوێ پێنج هەیڤێن بۆری دە ل كۆمەلگەهێ هاتینە بجهئینان ئەو ژی چێكرنا نافۆرەكێ و چەند شوستە ئانكو (پەیادا) ب شێوەیێ سەبكرن یێن جادێن نافخویی وقوتابخانێن خانكێ نێزیكی سێ هەزار مەتر بوویە و تێكەلكرنا شەش جادەیان و سەبكرنا جادەكا ناڤخۆیی بوویە و گۆت:”ل سەر پێشینەیا خۆ یا هەیڤانە و كێمكرنا خەرجیێن خۆ بەردەوام كارێن خۆ دكەین و خزمەتا خەلكێ دكەین”.
گۆتژی ل سالا بۆری ل سەر ئاستێ باژێرڤانیێن پارێزگەها دهۆكێ مە كاری رێزا ئێكێ ب دەست خۆڤە بینن،مە هەول دایە ڤێ رێزێ ب رێژەیەكا باشتر بپارێزین.
تُتاح هذه الصورة أيضا في: کوردی