ئەنجلینا جۆلی ل دهۆکێ پهسنا هەرێما کوردستانێ دکت
باسنيوز:
ئەنجلینا جۆلی، بالیۆزا نەتەوەیێن ئێكگرتی بۆ نیازپاكیێ سەرەدانا كەمپ دۆمیز ل دهۆكێ دكەت و رادگەهینیت كو ئاوارە و پەنابەر د بێ هیڤی نە و نەشێن بڤەگەرنە دەڤەرێن خوە و سال بۆ سالێ ژیانا وان خراپتر لێ دهێت.
ئەڤرۆ رۆژا ئێكشەمبی 17/6/2018 ئەنجلینا جۆلی ل كەمپا دۆمیز د پرێس كۆنفرانسەكێ رۆژنامەڤانی دا راگەهاند، دەمێ ئەز ل وەلاتێ خوە بەحسێ رۆژهەلاتا ناڤین دكەین كو گەلەك قەیران دناڤ دا هەنە و نەهامەتی هەنە و ب تایبەت ل سۆریا و لیبیا و یەمەن و خوە كۆنترۆل ل سەر تۆندوتیژیێ ژی نەهاتیە كرن و ئەز سۆپاسیا خەلكێ ڤێرێ بكەم بۆ ڤێ پێشوازیا ل مە كری.
زێدەتر گۆت: نها ئەز ل عیراقێ مە ژ بەر كو ئەز یا ب نیازم ل حەفتیا بهێت بەشداریێ د رۆژا جیهانی یا پەنابەران دا بكەم و ڤان نەهامەتیان تێدا پێشانبدەم و هاوخەمیا خوە بۆ پەنابەران دیاربكەم یێن ژ جهێ خوە هاتینە ڤەگۆهاستن و ئەڤە سێیەمین جارە د شەش سالان ئەز سەرەدانا عیراقێ دكەم و ئاشكرا دبیت كو پتریا وان پەنابەرا و قوربانیان ژن و زارۆنە و ئەڤرۆ من دوو ژن دیتن كو هەردوویان هەڤژینێن خو ژ دەست دابوون و د كەمپەكێ دا د ژیانەكا گەلەك سەخت دا دژین.
ئەنجلینا جۆلی ئاشكرا كر، رەوشا ئاوارەیێن عیراقێ وەكو كارەساتێ یە و رۆژ بۆ رۆژێ رەوشا وان د ناڤا كەمپان دا خراپتر لێ دهێت و پەنابەر و ئاوارە ژ بەر سەختیا ژیانا خوە نەشێن ب ڤەگەرنە سەر مال و مۆلكێن خوە و زۆربەیێ وان ژی نەشێن بچنە قوتابخانێ و باشترین بەرسڤ بۆ ڤێ قەیرانێ حكوومەت هاریكاریا وان بكەت بۆ هندێ ب ڤەگەرنە سەر مالێن خوە.
تُتاح هذه الصورة أيضا في: کوردی