رۆژھەلاتێ کوردستانێ.. نێزیکی 30 بیڤەلەرزان ل کرماشانی دان
WAAR-دهۆك:
زێدەتری 30 بیڤەلەرزان شڤێدی ل پارێزگەھا کرماشانێ ل رۆژھەلاتا کوردستانێ دان، لێ تا نھا چو ئامارەکا قوربانییان نەھاتییە بەلاڤکرن.
ل گۆرەی مەدیایین ئیرانی، شڤێدی نێزیکی سات 10 و 27 خولەک 5 بیڤەلەرزان کو ھێزا پشکەک ژوان گەھشتییە 4.8 پلەیێن رێختەر ل ناڤچەیا تازە ئاباد ل ناڤەندا باژارێ سەلاس ل پارێزگەھا کرماشانی دان.
دیار ژی کریە، کو پشتی ئەوان 5 بیڤەلەرزان ئەڤرۆ سپیدێ ل دەردەورێن سات 2 و 43 خولەک نێزیکی 30 بیڤەلەرزێن دی باژارێن جوانرۆ، روانسەر، سەرپێلا زەھاو و قەسرا شرین دان و خەلک ژی ترسان دا شەڤێ ژ دەرڤە بوون نەچوبوون د مالێن خوە ڤە.
لێ تا نھا چو ئامارەک سەرباری زیانێن گیانی یێن ئەوان بیڤەلەرزان نەھاتینە ئاشکەراکرن بەلی ئاماژە ب زیانێن داراییی یێن مەزن ھاتینە کرن.
تُتاح هذه الصورة أيضا في: کوردی