پەیکەرێ حوکمرانیێ ل هەرێما کوردستانێ دگەشەکرنەکا بەردەوام دایە

پەیکەرێ حوکمرانیێ ل هەرێما کوردستانێ دگەشەکرنەکا بەردەوام دایە
دهۆک-KDP.info-

دارێژتنا پەیکەرێ حوکمرانیێ ل هەرێما کوردستانێ دگەشەکرنەکا بەردەوامدایە، بەلێ لژێر کارتێکرنا هەلومەرجێن سیاسى و ئەمنى و ئابۆرى یێن نافخۆ و دەرەکى، ژبەر هندێ مودیلەکا کەفن یا حوکمرانیا عیراقێ بخۆڤە گریتە، بەلێ واتەیا ئەو نینە چ کار تا نوکە نەهاتیەکرن، بەرۆڤاژى شۆلەکێ مەزن لگۆر داخوازیان هاتیە ئەنجامدان و دڤێت وى کارى باشتر بکەن و بەرەڤ سیستەمێ دەزگەهێن موسەساتى ڤە ببەین ژبۆ پتر هەولاتیێ کوردستانێ مفایێ ژێ وەربگریت و بگەهیتە مافێن خۆ ب دادپەروەرانە.

27-6-2018ێ، ئەنیستوتا رۆژهەلاتا ناڤین بۆ ڤەکولینێنن میرى و پارێزگەها دهۆکێ رابووینە ب ئەنجامدانا کونفراسێ “دارێژتنا پەیکەرێ حوکمرانیێ ل هەرێما کوردستانێ” و پێنچ پەنەلا پێک هاتیە، ب بەرهەڤبوونا پارێزگەه و نوونەرێن هەر چوار پارێزگەهێن سەر ب هەرێما کوردستانێ ڤە (دهۆک، هەولێر، هەلبجە و سلیمانى).

فەرهاد ئەتروشى، پارێزگەرێ دهۆکێ بۆ مالپەرێ فەرمیێ پارتى دیموکراتى کوردستان گۆت:” سیستەمێ حوکمرانیێ ل هەموو دونیایێ لگۆر پێشکەفتنان دئێنە گهورین، ل هەرێما کوردستانێ پێشکەفتنێن بەرچاڤ رووداینە بگرە زێدەبوونا ژمارا نیشتەجێبوویان و پێشکەفتنا تکنولوجیایێ، ژبەر هندێ دەڤەر پێدڤى ب گهورینا سیستەمێ حوکمرانى یە و واتەیا ئەو نینە چ تشت تا نوکە نەهاتیە کرن، بەرۆڤاژى شۆلەکێ مەزن لگۆر داخوازیان هاتیە ئەنجامدان و وى کارى بکەینە سیستەمێ دەزگەهێن موئەسەساتى ژبۆ پتر هەولاتیێ کوردستانێ مفایێ ژێ وەربگریت و بگەهیتە مافێن خۆ ب دادپەروەرانە”.

ئەترۆشى، خویاکر:” سەرۆکێ حکومەتا هەرێما کوردستانێ (نیجیرڤان بارزانى) ژى پێشتەڤانى هەر گهورینەکێ یە بۆ پێشڤەبرنا سیستەمێ حوکمرانیێ ژبۆ باشتر و ب ساناهیکرنا ژیانا رۆژانەیا خەلکێ ددەزگەهێن میرى دا، ژبەر هندێ گرنگە هەمى لایەنێن سیاسى پێشتەڤانى ڤێ پێنگاڤێ بن و چ نابیت چ لایەن رەتکرنا روونشتنان دگەل هەڤدو بکەن، جونکى ئەڤ چەند دخزمەتا گشت هەولاتیێن هەرێما کوردستانێ دایە”.

پارێزگەرێ دهۆکێ بەحسکر، مە گەلەک گهورین لسەر ئاستێ پارێزگەها دهۆکێ ئەنجامداینە و ب تایبەت رێڤەبەرێن گشتى لسەر ئاستێ قەزا و ناحى یێن سەر ب پارێزگەها دهۆکێ ڤە، نوکە پێنچ رێڤەبەرێن دیتر ژى دێ ئێنە گهورین و ئەو روتینا ددەزگەهێن میریدا هەیى کێمتر لێ ئێن.

د. دلاوەر عەبدولعەزیز، رێڤەبەرێ ئەنیستوتا رۆژهەلاتا ناڤین بۆ ڤەکولینێن میرى بۆ مالپەرێ فەرمیێ پارتى دیموکراتى کوردستان دیارکر:” سیستەمێ حوکمرانیێ ل هەرێما کوردستانێ دگەشەکرنەکا بەردەوامدایە، بەلێ لژێر کارتێکرنا هەلومەرجێن سیاسى و ئەمنى و ئابۆرى یێن نافخۆ و دەرەکى، ژبەر هندێ مودیلەکا کەفنا یا حوکمرانیا عیراقێ بخۆڤە گریتە، ژبەر هندێ گرنگە گهورین پەیدا بن دا ئەڤ گەشەکرنا ل هەرێمێ هەیى بەرەڤ باشتر بجیت داکۆ چ هەرشە ل پاشەرۆژێ لسەر حکومەتا هەرێما کوردستانێ نەمینن”.

د. دلاوەر خویاکر:” ئەڤ پرۆژە پلانەکا دەه سالى یە بۆ نەهێلانا وان مەترسیێن لسەر سیستەمێ حوکمرانیا میرى ل هەرێما کوردستانێ و رێکێن جارەسەرکرنێ بۆ هاتینە دیتن و هەر دەستهەلاتەک لگۆر پسبوریا وێ”.

تُتاح هذه الصورة أيضا في: کوردی