ھشیار زێباری خالێن دانوستاندنێ ئاشکرا کرن
ئەڤرۆ نيوز:
ئەندامێ سەرکرداتیا پارتی دیموکراتی کوردستان ھشیار زێباری راگەھاند، گرنگترین خالێن ناڤەرۆکا دانوستاندنێ یا شاندێ ھەرێما کوردستانێ ددەمێ سەرەدانا خوەدا بۆ بەغدا، و ھەڤدیتنا فڕاکسیۆنێن سەرکەفتی د ھەلبژارتنێن پەرلەمانێ عیراقێ دا بۆ پێکئینانا حوکمەتا نووبن.
زێباری دھەڤدیتنەکا تێلەفزیونی دا گۆت: گرنگترین داخوازیێن ھەرێما کوردستانێ، کو برێیا شاندێ ھەڤپشکێ پارتی و ئێکەتیێ بۆ بەغدا، ئەنجامدانا سەرژمێریاریەکا سەرانسەری ئاکنجی یێن عیراقێ یە، بجھئینانا مادێ 140 یێ دستوری، بەھرا ھەرێما کوردستانێ ژ بودجا دارایا ئێکگرتی کو دڤێت بھێتە بنەجھکرن، داکو نەکەڤیتە بەر حەز و گێولێ چو سەرۆک وەزیران ب کەیفا خوە دەستکاریێ تێدا بکەت، دەرخستنا قانوونا پەترۆل و غازێ، بجھیئنانا وان ھەموو قانونێن د بەرژوەندیا ھەرێما کوردستانێ دا ئەو ێن ھاتیە پاشخستن و پشگوھاڤێتن.
ھشیار زێباری ھەروەسا گۆت: یا ژ ھەموویان گەنگتر ئەو دڤێت ھەموو ئالیێن سیاسی یێن کوردی ب ئێکگرتی و و ئێک دیتنا بەرژوەندیان ھەبیت، ئەڤە دەلیڤەکا زێرینە بۆ مە ھەموویان، بەلێ ئەز دزانم ناھێتە بجھئینان.
تُتاح هذه الصورة أيضا في: کوردی