كۆمسیۆن ژمارا بنگه‌هێن دەنگدانێ ل ھەرێما كوردستانێ ئاشكه‌را دكت
K24 – ھەولێر
سەرۆکى دەستەى هەڵبژاردنەکانی هەرێمی کوردستان ئاشكرای دەكات، بۆ ھەڵبژاردنی پەرلەمانی عێراق، زیاتر لە ھەزار و 250 بنكەی دەنگدان لە ھەرێمی كوردستان دەبن.
مازن عەبدولقادر، سەرۆکى دەستەى هەڵبژاردنەکانی هەرێمی کوردستان لە کۆنفرانسێکی رۆژنامەوانیدا رایگەیاند: “وەك ئامادەكاری بۆ ھەڵبژاردنی پەرلەمانی عێراق، دیاركردنی وێستگە و بنكەكانی دەنگدان، لە پارێزگاكانی ھەرێمی كوردستان كۆتایی پێھاتووە، لەسەر ئاستی ھەرێمی كوردستان، هەزار و 257 بنکەی دەنگدان لە هەرێمی کوردستان ئامادەکراون”.
روونیشیكردەوە: “دوو هەزار و 563 وێستگەی دەنگدان لە هەرێمی کوردستان بۆ هەڵبژاردنی پەرلەمانی عێراق ئامادەکراون”.
كۆمسیۆنی باڵای ھەڵبژاردنەكانی عێراق ئاشكرای كردووە، لە 14/4/2018، بانگەشەی ھەڵبژاردنی پەرلەمانی عێراق لە شارەكانی عێراق دەست پێدەكات و رۆژی دواتریش 15 نیسان لە ھەرێمی كوردستان دەست پێدەكات، كە بڕیارە 12 ئایاری ئەمساڵ ھەڵبژاردن بۆ خولێكی دیكەی ئەنجوومەنی نوێنەرانی عێراق بەڕێوەبچێت.
تُتاح هذه الصورة أيضا في: کوردی