شانده‌کی عێراقى و هەرێما کوردستانێ بۆ ڤه‌کرنا رێيا ناڤبه‌را هەولێر – کەرکووکێ کۆمبوون
باسنيوز:
جێگری فەرماندەی هێزەکانی پێشمەرگەی لە میحوەری ڕۆژئاوای کەرکووک – پردێ ڕای دەگەیەنێت، کە ئەمڕۆ لە کەرکووک گفتوگۆ لە نێوان شاندێکی وەزارەتی ناوخۆی هەرێمی کوردستان و وەزارەتی ناوخۆی عێراق دەکرێت، بۆ کردنەوە و چاککردنی ئەو ڕێگایە.
لەبارەی چاوپێکەوتنەکەی ئەمڕۆی شاندی وەزارەتی ناوخۆی هەرێمی کوردستان و وەزارەتی ناوخۆی عێراق لە پردێ حەمە ڕێگر، جێگری فەرماندەی هێزەکانی پێشمەرگەی لە میوەری ڕۆژئاوای کەرکووک – پردێ بە (باسنیوز)ی ڕاگەیاند: “هەرچەندە هێزەکانی پێشمەرگە بەشداربوون تێیدا، بەڵام بابەتەکە پەیوەندی بە وەزارەتی ناوخۆی هەرێمی کوردستان و وەزارەتی ناوخۆی عێراقەوەیە، ئەویش بۆ کردنەوەی ڕێگای نێوان هەولێر و کەرکووکە، چونکە ڕێگاکە و پردەکان تێکچوون”.
ئەو بەرپرسەی هێزی پێشمەرگە ئاشکراشی کرد: “شاندەکەی عێراق لە بریکاری وەزیری ناوخۆ و شاندەکەی هەرێمی کوردستانیش لە بەرپرسی ڕێگاوبانی هەولێر و عەبدولخالق تەلعەت بەڕێوەبەری پۆلیسی هەولێری سەر بە وەزارەتی ناوخۆ پێکهاتبوون، بەمەبەستی کۆبوونەوەش ڕۆشتوونەتە کەرکووک بۆ گفتوگۆکردن لەسەر چۆنییەتی کردنەوەی ڕێگاکە“.
تُتاح هذه الصورة أيضا في: کوردی