پەرلەمانتارەک: بەری ھەیڤا ئادارێ دێ پارێ بودجێ گەهیتە هەرێمێ
ئەڤرۆ نیوز،:
پەرلەمانتارەکا پارتی ل پەرلەمانێ عیراقێ ئاشکرا کر کو ئەڤ بڕگە و مادێن بودجێ یێن گرێدایی ھەرێما کوردستانێ تانە لێناھێنەدان و گۆت: ” پێشبینیێ دکەین بەری ھەیڤا ئادارێ پارێ بودجێ بگەھیتە ھەرێما کوردستانێ”.
مەیادە نەجار، پەرلەمانتارا پارتی ل پەرلەمانێ عیراقێ بۆ ئەڤرۆ نیوز دیار کر کو ل گورەی قانوونێ پشتی پەسەندکرنا پڕۆژە قانوونا بودجێ دێ چیتە سەرۆکاتیا پەرلەمانی بۆ راستڤەکرنا ئەڤان مادێن ھاتینە پەسەندکرن و پاشی دێ ژلایێ سەرۆک کۆماری ڤە ھێتە ئیمزاکرن و کەڤیتە بیاڤێ بجە ئینانێ دا، چونکی ئەڤ پڕۆژە قانوونە ژلایێ حوکمەتێ ڤە ھاتیە پەرلەمانی دەمێ دەنگدانێ ھندەک بڕگە و مادە ھاتینە گۆھڕین، پشتی دەربازکرنا ئەڤان رێکێن قانوونی دێ ل رۆژناما فەرمی ھێتە بەلاڤکرن و کەڤیتە بجە ئینانێ دا.
مەیادە نەجار دیارکر کو ئەو پێشبینیێ دکەن دەمەکێ زوو بھێتە راستڤەکرن و گیروونەبیت، چونکی ئەو ژی ل بەغدا دێ بزاڤان کەن لەز ل بجە ئینانا قانوونا بودجێ بهێتەکرن و گۆت: “ئەز بخۆ پێشبینیێ دکەم بەری ھاتنا ھەیڤا ئادارێ پارە ل گورەی قانوونا بودجێ بھێتە مەزاختن و بگەھیتە ھەرێما کوردستانێ ژی، چونکی چو تانە ل بڕگە و مادێن گرێدایی ھەرێما کوردستانێ ناھێنەدان و وەکی خۆ دێ ھێتە بجە ئینان وەکی دەنگ لسەر ھاتیەدان.
تُتاح هذه الصورة أيضا في: کوردی