جڤاتا وهزیرێن ههرێما كوردستانێ كۆم بوو و 3 بریار دهرخستن
WAAR-دهۆك:
جڤاتا وهزیرێن ههرێما كوردستانێ ئهڤرۆ كۆم بوو و بریاردا ل حهفتییا بهێت شاندهكێ ل دۆر پرسا بودجێ بهنێریته بهغدا.
جڤاتا وهزیرێن ههرێما كوردستانێ ئهڤرۆ سپێدێ ب سهرۆكاتییا مهسروور بارزانی، سهرۆكێ جڤاتێ كۆم بوو و باس ل پرۆژهیا سەرژمێرییا گشتی یا ئیراقێ و پهیوهندیێن ههولێر و بهغدایێ و دهرئهنجامێن كۆمبوونا حكومهتا ههرێمێ دگهل فراكسیۆنێن كوردستانی ل بهغدا و رێكخستنا باجێ كر و ژمارهكا بریاران ل دۆر وان پرسان دهرخستن.
جڤاتا وهزیران بریاردا، كو حهفتییا بهێت شاندهك ل دۆر پرسا بودجێ و پشكدارییا ههرێمێ د نڤیسینا رهشنڤیسێ بودجهى دا بچیته بهغدا، ههروهها بریاردا لژنهیێن دارایى، قانوونى و پهترۆل و گازێ یێن پهرلهمانێ ئیراقێ ژى گازیبكهته ههرێما كوردستانێ و سوبه رۆژا پێنجشهمبى ژى حكومهت و پهرلهمانێ ههرێمێ ل دۆر داتایێن دانوستاندنێن ههولێر و بهغدایێ كۆمببن.
ههروهها بریاردا لژنهیهك بۆ ههلسهنگاندنا سهرژمێرییا 2020 و بهرچاڤوهرگرتنا بهرژهوهندییا ههموو پێكهاتهیێن ههرێمێ بهێت پێكئینان.
ههر د كۆمبوونا ئهڤرۆ دا، جڤاتا وهزیران گۆتوبێژا میكانزمهكا نوو یا رێكخستنا باجێ كر و پرۆژێ پهیرهوێ تایبهت ب دهفتهرێن بازرگانى پهسهند كر.
تُتاح هذه الصورة أيضا في: کوردی