نێچیرڤان بارزانی داخواز ژ کادرێن پارتی کر پشتەڤانێن حکومەتێ بن
WAAR-دهۆك:
جێگرێ سەرۆکێ پارتی، دخواز ژ ئالیگرێن حزبا خوە کر، پشتەڤانیێ ل کابینەیا نوو یا حکومەتا ھەرێما کوردستانێ بکەن.
نێچیرڤان بارزانی سەرۆکێ ھەرێما کوردستانێ و جێگرێ سەرۆکێ پارتییا دیموکرات یا کوردستان د کۆنفرانسەکا سەنتەرێ دیراسات و لێکۆلینێن ئەکادیمی یا پارتی دا پەیڤەک پێشکێش کر و تێدا رۆل و کاریگەرییا رێکخستنێن جەماوەری یێن قوتابی، لاو و ئافرەتان بلند نرخاند و گۆت: پارتی دشێت پاشەرۆژەکا باشتر بۆ گەلێ کوردستانێ بدەستڤە بینیت.
نێچیرڤان بارزانی، دوپاتی ل خورتکرنا گیانێ پێکڤەژیان و لێبۆرینێ د ناڤبەرا ھەموو پێکھاتەیێن ھەرێما کوردستانێ کر و داخواز ژ کادێرێن حزبا خوە کر پشتەڤانیێ ل کابینەیا نەھێ یا حکومەتێ بکەن و خوە بکەن خزمەتکارێن خەلکێ کوردستانێ.
تُتاح هذه الصورة أيضا في: کوردی