پێلهكا بهفر و بارانێ ههرێما كوردستانێ ڤهدگرت
رووداو-هەولێر
نزمە پاڵەپەستۆیەكی دەریای ناوەڕاست، گۆڕانكاری لە كەشوهەوای كوردستان دروستدەكاتەوە، بەجۆرێك لەزۆربەی ناوچە شاخاوییەكانی كوردستان دەبێتە هۆی بارینی بەفر و لەناو شارەكانیش باران دەبارێ.
فازڵ ئیبراهیم، بەڕێوەبەری گشتی كەشناسی و بوومەلەرزەزانی هەرێمی كوردستان بە تۆڕی میدیایی رووداوی راگەیاند “كەریگەری شەپۆلەكە زیاتر لەسەر سنووری پارێزگاكانی سلێمانی و كەركووك و هەڵەبجە دەبێت بەجۆرێك پێشبینی دەكرێت 10بۆ 15ملیم باران ببارێ”.
بەڕێوەبەری گشتی كەشناسی و بوومەلەرزەزانی هەرێمی كوردستان ئەوەشی خستەڕوو، شەپۆلەكە كاریگەری لە رۆژی دووشەممەدا دروستدەكات و رۆژی سیشەممەش دۆخی كەشوهەوا ئاسایی دەبێتەوە.
تاوەكو ئێستا زۆرترین بارانی ئەمساڵ لە شارۆچکەی دینارتەی سنووری پارێزگای دهۆك باریوە كە 436.7 ملیم بووە.
تُتاح هذه الصورة أيضا في: کوردی