سەقاناسیا ئیراقێ: پێلا تۆزا ئیراقێ دێ هەرێمێ ژى ڤەگریت
گاڤ نیوز
سەقاناسیا ئیراقێ راگەهاند: ل چەند رۆژێن بهێت پێلەکا تۆزێ دێ پتریا ئیراقێ ڤەگریت و هەرێما کوردستانێ ژى د ناڤ دایە.
دەستەیا سەقاناسی و بیڤەلەرزان ل ئیراقێ دیار کر، تا رۆژا پێنجشەمبێ ل دەڤەرێن ناڤەراست، باشۆر و باکۆرێ ئیراقێ گەلەک گوهۆڕین ب سەر پلەیێن گەرمێ دا ناهێن و لەزاتیا بایى ل هندەک دەڤەرێن رۆژئاڤا دێ ١٠ بۆ ٢٠ کیلۆمتران د ئێک دەمژمێر دابیت و مەودایێ دیتنێ ژى دێ ٦ بۆ ٨ کیلۆمتران بیت.
هەروەسا ئاشکرا کر، پشتى رۆژا پێنجشەمبی سەقا دێ هێتە گوهۆڕین بۆ تۆزێ و دێ باشۆر، باکۆر و رۆژئاڤا گریت و مەودایێ دیتنێ دێ کێمتر لێ هێت و لەزاتیا تۆزێ ژى دێ زێدەتر بیت و بۆ دەما چەندین رۆژان دێ ئەو پێلا تۆزێ بەردەوام بیت.
تُتاح هذه الصورة أيضا في: کوردی