پێلەکا تۆزێ دێ ئیراقێ و هەرێما کوردستانێ ڤەگریت
گاڤ نیوز
پێلەکا تۆزێ ژ سوبەهی رۆژا سێشەمبی دێ ئیراقێ ڤەگریت و وەزارەتا ساخلەمیێ داخوازیەک ژ وەلاتیان هەیە.
دەستەیا سەقاناسیا ئیراقێ پێشبینیێن سەقایێ رۆژێن بهێن بەلاڤ کرن و راگەهاند: هەر ژ سوبەهی رۆژا سێشەمبی 5-7-2022 پێلەکا تۆزێ دێ بەر ب ئیراقێ ڤە هێت و د هەمان رۆژ دا دێ کارتێکرنا وێ ل سەر ژمارەکا دەڤەرێن ناڤەراست و باشۆرێ ئیراقێ دیار بیت.
سەقاناسیا ئیراقێ هەروەسا دیار کریە: پلەیێن گەرمێ ژی ل گەل پێلا تۆزێ دێ بلند بن و ل رۆژا ئەینیا بهێت دێ کارتێکرنا پێلا تۆزێ ل هەرێما کوردستانێ ژی بیت.
دەربارەی پێلا تۆزێ، وەزارەتا ساخلەمیا ئیراقێ داخواز ژ وەلاتیان کر، ب کارێن فەر نەبیت، ژ مالێن خۆ دەرنەکەڤن و راگەهاند: تا نوکە 500 کەس ژ ئەگەرێ تۆزێ تووشی بێهنتەنگیێ بووینە.
تُتاح هذه الصورة أيضا في: کوردی