ڕاگههاندنهك ژ مەکتەبا سیاسی يا پارتی دیموکراتی کوردستان
باسنيوز:
مەکتەبی سیاسیی پارتی دیموکراتیی کوردستان راگەیاندراوێکی لەبارەی پڕۆژەیاسای بوودجەی عێراق بڵاوکردەوە.
ئەمڕۆ یەکشەممە 11/6/2023، مەکتەبی سیاسیی پارتی دیموکراتیی کوردستان لە راگەیاندراوێکدا بڵاویکردەوە: “پارتیمان لە ڕوانگەی هەستكردن بە بەرپرسیاریەتی بەرامبەر بە ژیان و بژێوی هاووڵاتیانی كوردستان هەوڵی زۆریدا كە ماددە و بڕگەكانی پڕۆژەیاسای بودجەی ساڵی 2023ی عێراقی فیدراڵ بەگوێرەی ئیستحقاقاتی دەستووری و ڕێكکەوتنی ئیدارەی دەوڵەت بۆ پێكهێنانی كابینە و، ڕێكکەوتنی حكوومەتی هەرێم و حكوومەتی فیدراڵ بێت و، شایستە داراییەكان بۆ حكوومەتی هەرێم دابین بكرێت”.
ئەوەش خراوەتە روو: “لەلایەكی دیكەوە زۆر بەجدی هەوڵیدا ئەو پیلانەی کە بەشێوەیەکی ڕێکخراو لە ئارادا بوون بۆ دەستوەردان لە سەروەری هەرێم و بچووككردنەوە و لێكترازانی قەوارەی هەرێم و كەمكردنەوەی دەسەڵاتەكانی كە لە دەستووردا جێگیركراون، پووچەڵبكاتەوە”.
ئاماژە بەوەش دراوە: “سەرەڕای ئەوەی تەواوی تموحاتی ئێمە لە بودجەدا نەهاتووە، چونكە دەبوو ئەو دەقەی بودجە كە لە ئەنجوومەنی وەزیرانی فیدراڵ بڕیاری لێدرابوو دەست كاری نەكرابوایە، بەڵام لەپێناو دەستكردنەوەی حكوومەت بۆ بابەتی مووچە و بەردەوامی وەبەرهێنان و، بەردەوام نەبوونی كێشەكان بڕیارماندا رەئی بە پەسەندكردنی بودجە بدرێت”.
روونیشکراوەتەوە: “لێرەدا جێی خۆیەتی سوپاسی هەڤاڵانی فراكسیۆنی پارتیمان لە ئەنجوومەنی نوێنەرانی عێراق و کوتلەی وەزاری پارتیمان لە حكوومەتی فیدراڵ بكەین كە بەوپەڕی دڵسۆزی و ماندوونەناسانە ڕۆڵی خۆیان بینیوە و، داوای سەركەوتنیان بۆ دەكەین”.
تُتاح هذه الصورة أيضا في: کوردی