نێچیرڤان بارزانى و عه‌لى عه‌لاقى ره‌وشا دارایى و بهایێ دینارێ عیراقى گوتوبێژكرن
خانى نيوز:
نێچیرڤان بارزانى سه‌رۆكێ هه‌رێما كوردستانێ د دیداره‌كێدا دگه‌ل عه‌لى محسن ئه‌لعه‌لاق پارێزگارێ بانكا ناڤه‌ندییا عیراقێ، هزر و بیر ل دۆر ره‌وشا داراییا عیراقێ، بهایێ دینارێ عیراقى، بزاڤێن بانكا ناڤه‌ندی بۆ سه‌قامگیرییا دارایى و ئابوورى و ده‌رفه‌تێن وه‌به‌رهێنانێ ل عیراقێ لێك گۆهارتن.
سه‌رۆك نێچیرڤان بارزانى پێزانینێن خوه بۆ بزاڤێن بانكا ناڤه‌ندییا عیراقێ د ڕووبڕووبوونا گوهۆرینان و ڕاگرتنا بهایێ دیناریدا پێشكێشكرن، هه‌روه‌سا ئاماژه ب كارێن ل پێشییا بانكا ناڤه‌ندی بۆ چه‌وانییا سه‌ره‌ده‌ریكرنێ دگه‌ل گوهۆرینان و چاره‌سه‌ركرنا ئاریشه‌یێن نه‌ختینه و دارایى كر.
هه‌ردوو لایان دووپاتى ل گرنگییا هاریكارى و هه‌ماهه‌نگییا بانكان ل عیراقێ و هه‌رێما كوردستانێ دگه‌ل بانكا ناڤه‌ندییا عیراقێ كر، چه‌ند بابه‌تێن دیێن جهێ مفایێن هه‌ڤپشك گوتوبێژكرن.
تُتاح هذه الصورة أيضا في: کوردی