سەرۆك بارزانی پێشوازیا سەرۆكێ تیما پێداچوونا ئەركێ یونامی ل عێراقێ کر
باسنيوز:
ئەڤرۆ چارشەمبی 15ێ تشرینا دووێ 2023 ل سەلاحەددین سەرۆك مەسعود بارزانی پێشوازییا ڤۆلكەر پێرسێس سەرۆكێ تیما سەربەخۆیا پێداچوونا ستراتیژی ب ئەركێ هنارتیێ ڕێكخراوا نەتەوێن ئێکگرتی ل عێراقێ (یونامی) و شاندەکێ پێرە كر.
د هەڤدیتنێدا ڤۆلكەر پێرسێس ئارمانجا خۆ یا سەرەدانێ بۆ عێراقێ و پلانا پێداچوونا ئەرك و كارێن تیمێن سەر ب نەتەوێن ئێکگرتی ل عێراقێ و هەماهەنگی دگەل حكوومەتا عێراقا فیدرال و حكوومەتا هەرێمێ د سالا داهاتیدا شروڤەکر.
د بەشەكا دی یا هەڤدیتنێدا سەرۆك بارزانی سوپاسییا رێكخراوێن سەر ب نەتەوێن ئێکگرتی كر كوو د سالێن بوریدا رولێ باش هەبوویە د هاریکاریکرنا پڕۆسا سیاسییا عێراقێ و چارەسەركرنا قەیرانان نیشاندا.
هەروەسا سەرۆك بارزانی كورتیەک ژ دیرۆکا دەستوەردانێن هەرێمێ ل عێراقێ و توندکاری و تائیفەگەری و قەیرانان و ئەو نەهامەتی بەحس كرن كوو ب سەر گەلێ كوردستانێ و گەلێ عێراقێدا هاتیە.
سەرۆک بارزانی داخاز كر كوو ئاریشێن عێراقێ د چارچوڤێ دەستووریدا بهێتە چارەسەر کرن و تەکەز لسەر وێ ئێکێ کر کۆ ئامادەبوونا ڕێكخراوێن نەتەوێن ئێکگرتی و بەردەوامییا كارێن وان دێ یا یارمەتیدەر بیت بۆ باشتربوونا پرۆسا سیاسی و سەقامگیرییا عێراقێ و چارەسەریا ئاریشان.
رەوشا سیاسییا دەڤەرێ و گەف و تەحەددیاتێن هەمبەر سەقامگیرییا عێراقێ و دەڤەرێ تەوەرەکێ دی یێ وێ رونشتنێ بوو.
تُتاح هذه الصورة أيضا في: کوردی