سەرۆک بارزانی پێشوازییا باڵوێزا نوی یا فینلەندا ل عێراقێ کر

سەرۆک بارزانی پێشوازییا باڵوێزا نوی یا فینلەندا ل عێراقێ کر

باسنيوز:

ئەڤرۆ ئێکشەمبی 14ێ 1ێ 2024 ل سەلاحەدین سەرۆک مەسعود بارزانی پێشوازیا ئانو سارێلا، باڵوێزا نوی ێا فینلەندا ل عێراقێ کر.

د هەڤدیتێدا باڵوێزا فینلەندا دلخوشیا خۆ نیشاندا ب سەرەدانیکرنا خوە بۆ هەرێما کوردستانێ و ئارامی و پێشکەفتنا هەرێما کوردستانێ بلند نرخاند.

دهەڤدیتنێدا بەحسا دوماهیک گورانکاریێن عێراق و دەڤەرێ ب گشتی و پەیوەندیێن ناڤبەرا هەرێما کوردستانێ و بەغدا هاتنە کرن و تەکەز لسەر بەردەوامیا گوتوبێژان بۆ چارەسەرکرنا ئاریشێن ناڤبەرا هەرێم و بەغدا هاتنە کرن.

سەرۆک بارزانی ، سوپاسیا باڵوێزا فینلەندا کر و هیڤیا سەرکەفتنێ د ئەرکێ وێ دا بۆ خواست و سوپاسیا گەل و حکوومەتا فینلەندا کر ، لسەر هەڤکاریکرنا هەرێما کوردستانێ و هەروەسا سوپاسیا رولێ هێزێن فینلەندا و هەڤپەیمانان کر د روبرووبوونا تیرۆرێ و پێشکێشکرنا هەڤکاریان بۆ هەرێما کوردستانێ.

باڵوێزا فینلەندا رۆلێ سەرۆک بارزانی و هەرێما کوردستانێ ل ئاستێ دەڤەرێ بلند نرخاند.

تُتاح هذه الصورة أيضا في: کوردی