زیرەک تەمەن درێژترن
رووداو- هەولێر
پزیشكانی بەریتانیا رایدەگەیێنن ئەوانەی زیرەکترن و IQ یان باشترە، تەندروستترن و زۆرتر دەژین.
بەگوێرەی توێژینەوەیەکی نوێی زانکۆی ئیدەنبەرە لە بەریتانیا کە لە جۆرناڵی بەریتانی پزیشکی بڵاوکراوەتەوە، ئەوانەی زیرەکن و لە پشکنینەکانی زیرەکی زۆرتر بەدەستدەهێنن، ئەوان زۆرتر دەژین و تەندروستترن.
توێژینەوەکە بە سەرپەرشتی پڕۆفیسۆری دەروونناسی، کاسرین کالڤین ئەنجامدراوە و لە کۆتاییدا ئەم پڕۆفیسۆرە رایگەیاندووە فاکتەرەکانی زیرەکی لە منداڵیدا، راستەوخۆ کاریگەری هەیە لەسەر ژیانی تەندروست و دووربوون لە هەموو هۆکارەکانی مردن.
پڕۆفیسۆرە بەریتانییەکە دەڵێت ئەوانەی ئاستی زیرەکیان کەمترە، زۆرتر تووشی گرفتەکانی کۆئەندامی هەناسە، نەخۆشییەکانی دڵ و جەڵتەی مێشك دەبن. هاوکات زۆرتر تووشی رووداوەکانی برینداربوون دەبن و زیاتر بەهۆی شێرپەنجەکانی پەیوەست بە جگەرەکێشان دەمرن.
پزیشكە بەریتانییەکان دەڵێن لە توێژینەوەیەکی پێشووتریان دەرکەوتبوو کە ئاستی زیرەکی منداڵان پەیوەندی هەیە بە زۆربوونی رێژەی خۆکوشتن.
تُتاح هذه الصورة أيضا في: کوردی