ئەگەر ترومبێلا ته كهفته دبن ئاڤێ دا چى بكهى باشه؟
باسنيوز:
کاتێک بارانێکی زۆر ببارێت و بارانەکە لە شەقامدا کۆ ببێتەو، بەشێک لە ئۆتۆمبێلەکان دەوەستن و کار ناکەن، بۆ ئەمەش پێویستە بزانیت ئاو دزەی کردووەتە نێو بزوێنەری ئۆتۆمبێلەکە، یان نا.
ئەگەر ئۆتۆمبێلەکەت کەوتە ژێر ئاو و لەکار کەوت، نابێت دووبارە ئۆتۆمبێلەکەت ھەڵبکەیتەوە، پێویستە یەکەم ھەنگاو، ئەو پارچە ئاسنەی بۆ پشکنینی ڕۆنی ئۆتۆمبێل دانراوە، دەربھێنی، ئەگەر تەواوی پارچە ئاسنەکە تەڕ بوو، یان بە ڕۆن بوو، واتای ئەوەیە ئاو چووەتە نێو تانکیی ڕۆنی ئۆتۆمبێلەکەت، بۆ ئەمەش دەبێت ئاو و ڕۆنەکە لە ئۆتۆمبێلەکەت دەربھێنیت، کە وشک بووەوە، دووبارە ڕۆنی نوێی بخەیتەوە نێوی، پێویستە ئەم ھەنگاوە بە ھەمان شێوە، بۆ ڕۆنی گێڕی ئۆتۆمبێلەکەشت دووبارە بکەیتەوە.
دوای ئەنجامدانی ئەم ھەنگاوانە، پێویستە فلتەری ھەوای ئۆتۆمبێلەکەت بپشکنی، ئەگەڕ تەڕ بووبوو، وشکی بکەرەوە، یان فلتەرێکی نوێی لەسەر دابنێ.
لە کۆتاییشدا پلاکەکانی ئۆتۆمبێلەکەت بپشکنە، ئەگەر تەڕ بووبوون، پێویستە وشک بکرێنەوە، یان پسۆڕێکی میکانیکی، پشکنین بۆ پلاکەکانی ئۆتۆمبێلەکەت بکات و بزانێت کە شوێنی پلاکەکان و پلاکەکانیش، تێکچوونە، یاخود نا.
ئەگەر پلاکەکانی ئۆتۆمبێل تەڕ نەبووبوون، دوای ئەوەی ئۆتۆمبێلەکەت کەمێک وشک بووەوە، خۆی دووبارە کار دەکاتەوە، بەڵام پێش کارکردنەوەی، دەبێت لەنێو ئاو دەرھێنرابێت.
تُتاح هذه الصورة أيضا في: کوردی