حكومه‌تا ئیراقێ دێ هزار ده‌رچویێن هه‌رێمێ دامه‌زرینیت
گاڤ
جێگرێ سەرۆکێ لژنه‌یا ساخله‌میێ و ژینگه‌هێ ل په‌ڕله‌مانێ ئیراقێ بۆ گاڤ راگه‌هاند، نێزیكى هزار كه‌سان ژ ده‌ڤه‌رێن كوردستانى یێن ده‌رڤه‌یى ئیداره‌یا هه‌رێما كوردستانێ ل سه‌ر میلاكێ حكومه‌تا ئیراقێ دێ هێنه دامه‌زراندان.
د. ماجد شنگالى، جێگرێ سەرۆکێ لژنه‌یا ساخله‌میێ و ژینگه‌هێ ل په‌ڕله‌مانێ ئیراقێ بۆ گاڤ گۆت: نێزیكى هزار ده‌رچوویێن ژ سێ ده‌ڤه‌رێن مووسل، دیاله و كه‌ركووكێ كو ده‌ڤه‌رێن كوردستانى یێن ده‌رڤه‌یى ئیداره‌یا هه‌رێمێ نه دێ ل سه‌ر میلاكێ حكومه‌تا ئیراقێ هێنه دامه‌زراندن.
ئاشكراكرژى هه‌ر ئیك ژ ده‌رچوویێن زانكۆیێن نۆشدارى، نۆشدار، ده‌رمانساز، ددان، په‌یمانگه‌ها نۆشداری یێن هه‌رێما كوردستانێ بن و خه‌لكێ وان ده‌ڤه‌ران بیت دشێت فۆرمێ پڕ بكه‌ت.
هه‌روه‌سا گۆتژى: بڕیاره سوباهى فۆرمه ژ ئالیێ وه‌زاره‌تا ساخله‌میێ ڤه بهێته به‌لاڤكرن و هه‌ر كه‌سێ مه‌رج ل ده‌ف هه‌بن ماف هه‌یه پێشكیش بكه‌ت.
تُتاح هذه الصورة أيضا في: کوردی
