دوو پێشنیار ژبۆ چارەسەركرنا ئاڤا ڤەخوارنێ ل خانكێ
صباح سمیر
دەمەكە قەیرانا ئاڤێ ل كۆمەلگەها خانكێ سەر هەلدایی بەریا ریفراندۆما سەربەخۆیا كوردستانێ ئەز ب خۆ دگەل سەرۆكێ باژێرڤانیا خانكێ شاندەكی كۆمەكا مامۆستا و رێڤەبەرێن قوتابخانا مە قەستا دووڤچۆنا كێشەیا ئاڤێ ل خانكێ كر ،مە وی دەمی سەرەدانا جیێن شۆلەژێ كرن و سۆز دان كو دێ دماوێ ئێك هەفتیێ دا دێ چارەسەركەن، هەردیسان بەری چەند هەفتیەكا موختارێن كۆمەلگەهێ ژی دووڤچۆن لسەر ڤی بابەتی ل قایممقامیا سێمێلێ كربوون سەبارەت كێشەیا ئاڤێ لێ ئەڤە هەفتیەكە كێشەیا نە پاقژیا ئاڤێ ل خانكێ پەیدابووی ل گۆر وان زانیاریێن من هەین كو حەودێن ئاڤێ ل پرۆژێ كەڤن گەلەك دپیسن هەول هاتیە دان بێنە پاقژكرن و ئاڤ گەلەك یە پیس و شێلۆیە ، ئەڤجا دخوازم بێژم كو دڤێت جیێن شۆلەژێ ئەڤێ كێشەیا شێلۆبوونا ئاڤێ چارەسەربكەن ژبەركو هاڤین هات و ئەڤ جۆرێ ئاڤێ وێ ببە ئەگەرێ پەیداكرنا چەندین نەخۆشیان مینا (كولێرێ)،ب دیتنا من ئەڤ كێشە دێ ب دوو پێشنیاران چارەسەر بت ئەگەر ب رژدی كار لسەر بكەن،1- نووژەنكرنا پرۆژێ كەڤن یێ ئاڤێ و بێتە بكارئینان ژبۆ ڤەگوهاستنا ئاڤێ و پاقژكرنێ هەردوو كار ل وێدەر بێنە ئەنجام دان ژبەركو یێ نوو ئاڤا وی زۆر پیسە ژبەركو پیساتی و ئاڤا سۆلینا ژ گوندێ( كمونە) دهورتە سەر نێزیكی جیێ (مصفی ) و نەیا پاقژە، 2- یانژی بلا فەرمانگەها ئاڤا سێمێلێ ئاڤێ ژ پرۆژێ ئاڤا سێمێلێ بۆ خانكێ بشینت و بدیتنا من پێشنیارا دووێ باشترین چارەسەری یە ژبۆ چارەسەریا كێشەیا ئاڤێ ل خانكێ ،چنكو ئەڤ چارەسەریا نهۆ هاتیە كرن یە دەمەكیە چنكو ئەڤە نێزیكی پتر ژسالەكێ یە چەندین جاران ئەڤ كێشە دووبارە دبت.
تُتاح هذه الصورة أيضا في: کوردی