شاندەكێ بلندێ ئەمریكی سەرەدانا پەرستگەها لالش كر
تۆرا لالش یا راگەهاندنێ/داخواز كەریم
شاندەكێ بلندێ ئەمریكی،ئیرۆ 21حوزەیرانێ 2016،سەرەدانا پەرستگەها پیرۆزا لالش كر و ژبال كەسایەتیێن ئێزدی بلند سەعید وكەریم سلێمان و ژمارەیەكا زەلامێن ئاینی هاتە پێشوازیكرن.
بلند سەعید ب ناڤێ میری و جێگرێ میری خۆشحالیا خۆ ب سەرەدانا شاندێ ئەمریكی دەربری،پاشی شاندی گەریانەك دهوندرێ لالش دا كر،كەسایەتیێ ئێزدی كەریم سلێمان ل سەر دیرۆكا ئێزدیان و پەرستگەها لالش و ئێشێن وان د درێژاهیا دیرۆكێ دا ئاخفت و هەتا كۆمكوژیا بكۆم ل شنگالێ ل 3/8/2014.
كەریم سلێمان ل سەر پاشەرۆژێ بۆ ئێزدیان ئاخفت و چەند خال بۆ شاندی دانە دیاركرن،1.پتری سێ هەزار گرتیێن ئێزدی ددەستێ داعشێ دانە،2.پتری 400هەزار ئێزدی ئاوارەنە ل كاودانێن ژیانەكا ب زەحمەت دان ل بن خیڤەتان دا ژ خەلكێ شنگال و باشیك و بەحزانێ،3.13هەزار ئێزدی ل چیایێ شنگالێ نە كو خۆراگریا ژیانێ دكن،4.ب هەزاران كۆچبەر و پەنابەرێن ئێزدی ل جیهانێ نە،5.دەڤەرێن بابیرێ و خەتارێ و دۆغاتا و هەتا شێخان و مەهەد بۆ 5هەتا 10كیلۆمەتران ژ داعشێ دوورن و نێزیكی خەندەقێن هێزێن پێشمەرگەی نە كو شەرێ داعشێ دكت.
كەریم سلێمان بۆ شاندی ئاشكەراكر و گۆت:”ئەڤە رەوشا ئێزدیانە و حكوومەتا هەرێما كوردستانێ یا دقەیرانەكا دارایی دا دەرباز دبتن،داخوازێ ژ هەموویان دكەین پشتەڤانیێ پێشكێشی ئاوارەیان بكن،هەتا بكارن ڤی ماوەیێ وەختی یێ ب زەحمەت بۆرینن”.
تُتاح هذه الصورة أيضا في: کوردی