ب چاڤدێریا شێخ شامۆ پێكهاتنەكا جڤاكی هاتە ئەنجام دان
تۆرا لالش یا راگەهاندنێ
ل ژێر چاڤدێریا بەرێز “شێخ شامۆ”سەرۆكێ دەستەیا بلندا بنگەهێ لالش و ئەندامێ پەرلەمانێ كوردستانێ،ل رێككەفتی ٢٣//٢٠١٦،ل كەمپا قادیا پێكهاتنەكا جڤاكی هات ئەنجام دان،ل ناڤبەرا (مالباتەك ژ هۆزا سلیڤانا و مالباتا عزویا/شنگالی) كو ژئەگەرێ روودانەكا ترافیكی ب مخابنی ڤە پێشمەرگە “حكمت حەسەن تەمر” گیانێ خۆ ژ دەست دا.
ئەڤ پێكهاتن ب بەرهەڤبوونا بەرێزان”شیخ شامۆ” و”كوردو سلیڤانەی” كەسایەتیێ هۆزا سلیڤانا و بەرێز “مەیسەر حەجی سالح”قایممقامێ بەرێ یێ شنگال و كەسایەتیێ عزویا و بەرێز “حەسەن عەلی”موختارێ عزویا و بەرێز”حاكم سەعید” و ریهـ سپی و كەسایەتیێن هەردوو ئالیا هاتە ئەنجام دان.
شێخ شامۆ،دكورتە پەیڤەكێدا دوعا ژخودێ خوەستن جهێ رەحمەتی بەهشتا خودێ مەزن بە و سەبرێ بدەتە كەس و كارێن وی و گۆت سوپاسدار و منەتكارێ وە و رێزگرتن و جوامێریا وەنە و ون مرۆڤێت قەدرناسن و درێژی دا گۆتنا خۆ و گۆت:” گاڤا وەلاتێ مە یەك بە ئاخا مە یەك بە دوژمنێ مە یەك بە چون و هاتن و رابون و رونشتنێ مە ب هەڤرە بن ب دووپات مقەدەر و روودانێن نە خواستی وێ بینە پێشبەری مە و دڤیا مە هەمیان باوەری ب قەدەرێ هەبە و یەكتر قەبول بكن و ئەم برایێن هەڤن و هەڤپشكێ ڤێ ئاخێنە و خۆشی و نەخۆشیێ مە ئێكن.
ل داویێ ژی شێخ شامۆ دیسا سوپاسیا وێ جوامێریا بنەمالا عزۆیا كر.
تُتاح هذه الصورة أيضا في: کوردی