شێخ شامۆ قوتابیێن سەركەفتی ل سەر ئاستێ كۆمەلگەها شاریا خەلاتكرن
تۆرا لالش یا راگەهاندنێ
ل ژێر چاڤدێریا بەرێز”شێخ شامۆ”ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش ل دهۆكێ،بنگەهێ لالش تایێ شاریا ب سازدانا ئاهەنگەكا رێزلێنانێ بۆ قوتابیێن سەركەفتیێن ئێكێ ل سەر ئاستێ قوتابخانێن كۆمەلگەها شاریا رابوو.
ل رۆژا پێنج شەمبوویێ 23/6/2016،ب ئامادەبوونا بەرێز “شێخ شامۆ” و مامۆستا “عبدالله” رێڤەبەرێ پەروەردا سێمێلێ و مامۆستا و رێڤەبەرێ پەروەردا تلكێفێ و نوونەرێ لژنا ناوچا فەیدیێ و كۆمەكا سەرپەرشت و مامۆستا و رەوشەنبیرێن كۆمەلگەهێ و قوتابی و كەس و كارێن قوتابیان،بنگەهێ لالش تایێ شاریا ب سازدانا ئاهەنگەكا رێزلێنانێ بۆ قوتابیێن سەركەفتیێن ئێكێ ل سەر ئاستێ قوتابخانێن كۆمەلگەها شاریا رابوو،پشتی خۆلەكەك رێزگرتن بۆ گیانێ جانگۆریێت مللەت و وەلات و سەر كاروانێ وان بارزانیێ نەمر،پەیڤا ب خیرئانینێ ژئالیێ “دلگەش سەلیم” سەرۆكێ بنگەهێ لالش تایێ شاریا ڤە هاتە پێشكێشكرن.
ل پێرا “شێخ شامۆ” كورتە پەیڤەك پێشكێشكر،پاشی خەلاتێن رێزلێنانێ و دیاریەكا تایبەت ژ ئالیێ سەرۆكێ دەستەیا بلندا بنگەهێ لالش ڤە ل سەر قوتابیێن سەركەفتی هاتن پارڤەكرن.
تُتاح هذه الصورة أيضا في: کوردی