شێخ شامۆ یێ بەردەوامە ل سەر هاریكاریكرنا قوتابیێن شنگالێ
تۆرا لالش یا راگەهاندنێ
دبەردەوامیدانا پشتەڤانیكرنا قوتابیان و ب تایبەت یێن ئاوارە و ب پشتەڤانیا لقێ 17 یێ پارتی دیموكراتی كوردستان ل شنگالێ و دەستەیا بلندا بنگەهێ لالش و ئێكەتیا قوتابیێن شنگالێ،ئیرۆ 1/7/2016،چالاكییەك بۆ 200قوتابیێن ئامادەیا كەمپا خانكێ یا پەروەردا كوردی هاتە ئەنجامدان.
دۆرێن200قوتابیێن ئامادەیا كەمپا خانكێ یا پەروەردا كوردی ئەزمونێن پۆلا شەشێ ئامادەیێ ب داوی ئینان و ب ئامادەبوونا ژمارەكا بەرپرسێن حزبی و حكوومی،ئەڤ چالاكی هاتە ئەنجامدان،كو تێدا پەیڤا بخێر هاتنێ ژلایێ “رێناس عەجاج” بەرپرسێ ئێكەتیا قوتابیێن وێ قوتابخانێ هاتە پێشكێشكرن و ب خێرهاتنا ئامادەبوویان كر و سوپاسیا پشتەڤانیا هەموویان كر.
ل پێرە”شێخ شامۆ”ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش پەیڤەك پێشكێشكر و تێدا پیرۆزباهی ل قوتابیان كر و شرۆڤەكرن ب گشتی ل سەر رەوشا كوردستانێ و كوردێن ئێزدی و دەڤەرا شنگالێ ب تایبەتی دا،كو چاوان دئازارێن گەلێ خۆ دگەهن ،تەكەزكر كو چاوا رەشا نۆكە ژ ئیرادا حكوومەت و هەرێما كورستانێ زێدەترە دڤێت خەلك هەداری بكەتن،ژلایەكێ دیڤە وەك بنگەهێ لالش و كەسایەتی ژی پشتەڤانیا خۆ دووپاتكر بۆ قوتابیان و ،دبەشەكێ دی یێ پەیڤا خۆ دا سەرۆكێ بنگەهێ لالش كێشان وپیڤان دناڤبەرا كۆمەلگەهێ ئێزدی كر ل سالێن70بۆ 80یان دا ل سالێن بەرێ و ڤێ قۆناغا نۆكە ئەم تێدا،دڤێ كێشان و پیڤانێ دا ل سەر ئاستێ زانستێ كا ئێزدیان كاریە هەتا چ رادە خۆ پێش بێخە و دەستكەفتیێن باش ب دەست ڤە بینە،تنێ ل ڤان چەند سالێن داویێ دا ژ سالا 2006 وەرە هەشت هەزارقوتابیێن ئێزدی ب رێیا بنگەهێ لالش و دەزگەهێن حكوومەتێ هاتینە ڤەگۆهاستن بۆ كوردستانێ و خووندنا خۆ ل زانكۆ و پەیمانگەهێن هەرێمێ برینە سەر،ل سەر ئاستێ هەموو بەشان قوتابیێن پیشاریز یێن ئێزدیان دەركەفتینە و ئەڤ سالە پتری 50قوتابیان ل كولیژا پزیشكی دەواما خۆ ب داوی ئیناینە و هندەك بەردەوامن،ل سەر ئاستێ زانینگەهان نۆكە پتری 70مامۆستایێن زانكۆیێ وەك پلا پرۆفیسۆر و دكتۆر و هاریكارێ سەرۆكێ زانكۆیێ وانا ل زانكۆیێ ددەن،ئەڤەژی هەموو پێشكەفتن دجڤاكێ ئێزدی دا چێبوویە و ئێزدیان كاریە رۆلەكێ مەزن دپێشكەفتنا خۆ دا د بوارێ زانستی بینن ئەڤە ژی هەموو جهێ شانازیا مەیە ل ڤێ قۆناغێ دا ،گۆتژی كاروانێ مەدەنیكرن و زانستیكرنا كۆمەلگەها مە نەب فەرمانان و هەر تشتەكێ دی هەبتن نەسەكنیە و بەردەوام بەرەف پێشڤەچۆنێ یە و بەلگە ژی ئیرۆ ئەڤ قوتابیەنە،كو دڤی باری دا 200قوتابی بكارن خۆ بگەهیننە زانكۆ و پەیمانگەهێن هەرێمێ.
هەروەسا ژلایەكێ دیڤە”شێخ شامۆ ” ب شێوەیەكێ گشتی ئەو هشیاركرن كو هشیارا نەتەوەیی و ئاینی و وەلات پارێزیێ كا چاوا بەرەڤانیێ ژ خۆ بكن و نەبنە ئامیرێن دەستێ خەلكی، هەروەسا ئامۆژگاری دانێ كو ب دەستێ خۆ بەرەڤانیی ژ خۆ بكن وهشیار بن هندەك وێت هەین دڤێن بەلبەلێ ل وەلاتی مە چێكن.
ژلایەكێ دیڤە بەرپرسێ ئێكەتیا قوتابیێن شنگالێ پیرۆزباهی ل قوتابیان كر و سوپاسیا بنگەهێ لالش كر،بۆ پشتەڤانیا ل قوتابیان دكن.
ل دووڤ دا بەرنامەی كو ب چەند برگێن جۆراو جۆرێن هۆنەری بوون دەست پێكر،كو دەربرین ژ كارەساتێ و رەوشا قوتابیان دكرن.
ل داویێ بەشداربووی و لژنا بەرهەڤكار ب دیاریەكا تایبەت ژلایێ”شێخ شامۆ” ڤە هاتن خەلاتكرن،كو نێزیكی 15 كەسان بوون.
تُتاح هذه الصورة أيضا في: کوردی
