گرۆپەكێ ئێزدی كار بۆ هاریكاری و گونجاندنا ئێزدیان لگەل جڤاكێ ئەلمانی دكت
تۆرا لالش یا راگەهاندنێ
گرۆپێ بۆچۆنا جڤاكا ئێزدیا ل وەلاتێ ئەلمانیا هاتیە دامەزراندن ،ژبۆ چاكسازیا و هاریكاریا ئێزدیا و چاوانیا گونجاندنا وان لگەل جڤاكێ ئەلمانی،هەروەسا دیاركرنا وان خالێن لاواز ل ناڤ ئێزدیا و چارەسەركرنا وان.
سالار فائز،ئەندامێ گرۆپێ بۆچۆنا جڤاكا ئێزدیا بۆ (ئێزدیخان نیوز) دیاركر:”ئەڤ گرۆپە پێك دئێت ژ كۆمەكا جوانێن ئێزدیا كو رەوشەنبیرن ژ هەموو پلە و تەخا،وەكی مامۆستایا و رۆژنامەڤانا و پارێزەر و هۆزانڤانا و زەلامێن ئاینی…هتد،ئەندامێت گرۆپی ژ ئێزدیێن كوردستانێ و ئەوروپانە،ڤی گرۆپی ب فەر زانی رابت ب ئەركێ خۆ و خزمەتا جڤاكا ئێزدی بكەت و هەرژ دەستپێكا دامەزراندنا خۆ كاركر ل سەركێمكرنا (نەختێ كچا ئێزدی) دا ئاستەنگ نەمینن بەرامبەر گەنجێن ئێزدی تایبەت ل ئەوروپا و ب خۆش بەختانە ئەنجامەكێ باش ب دەست ڤەهات و كور و كچەكا ئێزدی ب ناڤێ(فەلاح&زەیتون)و( مەجدەل& كرستین) و ب نەختەكێ كێم هەڤژینی پێك ئینان و هێشتا ئەڤ پرۆسە یە بەردەوامە”.
فائز گۆتژی ئەوبوویەرێن ل ڤێ داویێ ل كەمپەكا بیلیفیلد چێبووین ب دژی ئێزدیا،ڤی گرۆپی بەری هەركەسەكی سەرەدانا وان كر و پشتەڤانیا خۆ دیاركرن بۆ وان پەنابەرێن ئێزدی،گرۆپی بەری دوو رۆژا سەرەدانا باژێرێ شتوتگارت كر و سەرەدانا وان خوشك و دەیكێت گرتی كرن،داكو هاریكاریا وان بكەن و ئەو هزربكەن ئەوژی پارچەكن ژ ڤی جڤاكی و جارەكا دی دێ ڤەگەرن بۆ جڤاكی،گرۆپی بزاڤ كر كو ئەو كچ و ژنە هزربكەن كەس و كارێت وان ل هەموو جی و دەرا هەنە.
ئەو چەندە ژی دیاركر:”ئەڤ گرۆپە هەردەم كاردكەت بۆ بەرهەڤكرنا خۆپیشاندانێن ئاشتیانە،داكو پاراستنا كێمینا بێتەكرن تایبەت(مەسیحی و ئێزدیا)و هەر دەمەكی ئەگەر هات و پێدڤی بوو،گرۆپی گەلەك پلان هەنە بۆ پاشەرۆژێ و نۆكە ژی هزرەك كریە ناڤ مالا ئێزدیا كو خێروخێراتێن پەرستگەها لالشێ بۆ سندۆقەكێ بن و پاشی بچن بۆ هەژارا و ئاوارەیان و كەسێن كێم ئەندام و هەر ئێزدیەكی پێدڤی پێ هەبت ئەوژی برێیا لژنان”.
تُتاح هذه الصورة أيضا في: کوردی