ب چاڤدێریا شێخ شامۆ پتری ٦٠ قوتابیێن كۆمەلگەها خانكێ هاتن خەلاتكرن
تۆرا لالش یا راگەهاندنێ
ل ژێر چاڤدێریا بەرێز (شێخ شامۆ) سەرۆكێ دەستەیا بلندا بنگەهێ لالش و ئەندامێ پەرلەمانێ كوردستانێ ،بنگەهێ لالش تایێ خانكێ رابوو ب خەلاتكرنا پتر ژ 60قوتابیێن دەرچۆیێن كولیژ و پەیمانگەهان ل كۆمەلگەها خانكێ.
ئیرۆ رۆژا پێنج شەمبوویێ 28/7/2016، ب ئامادەبوونا بەرێز”شێخ شامۆ” و مامۆستا عبدولله حەسەن”رێڤەبەرێ پەروەردا سێمێلێ و “بژار محەمەد سەلیم”بەرپرسێ لژنا ناوچا دوبان یا پارتی دیموكراتی كوردستان وكۆمەكا مامۆستا و رەوشەنبیرێن كۆمەلگەهێ و قوتابی و كەس و كارێن قوتابیێن دەرچویێن،پشتی خۆلەكەك رێزگرتن بۆ گیانێ جانگۆریێن مللەت و وەلات و سەر كاروانێ وان بارزانیێ نەمر، پەیڤا بخێر ئانینێ ژئالیێ”عەنتەر كەلۆ”سەرۆكێ بنگەهێ لالش تایێ خانكێ ڤە هاتە پێشكێشكرن،پاشی رێزدار”شێخ شامۆ”و مامۆستا”عبدولله حەسەن”و”بژار محەمەد” ژی كورتە پەیڤەك پێشكێشكرن وپیرۆزباهی ل هەموو قوتابیێن دەرچۆی كرن.
ل دووڤ دا باوەرنامەیێن رێزلێنانێ و دیاریێن تایبەت ژ ئالیێ”شێخ شامۆ” و ئامادەبوویان ڤە ل سەر قوتابیێن دەرچۆین هاتن پارڤەكرن.
تُتاح هذه الصورة أيضا في: کوردی