بنگەهێ لالش دێ يادا كارەساتا شنگالێ ب شێوەیەكێ بەرفرە ل پرانیا تایی و نڤیسینگەهان ساخ كت
تۆرا لالش یا راگەهاندنێ
سەرۆكێ دەستەیا بلندا بنگەهێ لالش دیاركر،كو ساخكرنا رێورسمێن كارەساتا شنگالێ دێ ب شێوەیەكێ بەرفرەه و تژی چالاكی بت ل پرانیا تایی و نڤیسینگەهێن بنگەهی،دووپاتكر كو ل سەر هەر تایی و نڤیسینگەهەكێ پلانەكا كاری و خشتەیەكی بۆ چالاكیێن خۆ ب دانێت،ب هەلكەفتا بیرەوەریا دوویێ و دلتەزین ل سەر دلێ هەموو ئێزدیان.
دكۆمبوونەكێ دا كو ل رێككەفتی 30/7/2016،ل ئاڤاهیێ بنگەهێ لالش ل دهۆكێ هاتبوو گرێدان ب ئامادەبوونا هەموو ئەندامێن دەستەیا بلند و سەرۆكێن تایی و نڤیسینگەهان،سەرۆكێ دەستەیا بلند(شێخ شامۆ) ئاماژە ب رۆلێ مەزن یێ بنگەهی كر دخزمەتكرنا خەلكێ شنگال دا ل ماوەیێ دوو سالێن بۆری دا،رژدی كر ژی كو پێتڤیە ئەڤ خزمەتە بێتە تەمامكرن ب شێوەیەكێ باشتر،ژبەركو ئەوا كوردێن ئێزدی تووشبووینێ ل سەر دەستێ رێكخراوا دەولەتا ئیسلامی،توندرەوترین هێرش بوو دیرۆكا مرۆڤایەتیێ ناسكری،تەكەز كر كو هەر مرۆڤەك یێ باشە بۆ نەتەوە و ئاینێ خۆ و دڤێت هەست ب بەرپرسیارەتیا راكرنا ڤێ دۆزێ بكت و بكەتە ئەركێ خۆ رابت ب ساخكرنا ڤێ كارەساتا دلتەزین ل سەر دلێ هەموویان و دا مێژوو پەیڤەكێ ببینت بەرامبەر تاوانێن ل دژی ئێزدیان هاتین كرن.
دتەوەرەكێ دی یێ كۆمبوونێ دا(شێخ شامۆ)دیاركر،كو بنگەهێ لالش پەرتۆكەكا تایبەت ل دۆر كارەساتا شنگالێ دەرێخستیە و ل نێزیك دێ ل نڤیسینگەهان و ب شێوەیەكێ بەرفرەه ئێتە بەلاڤكرن،زێدەباری پشكداریكرنا بنگەهێ لالش ل رێورسمێن ساخكرنا كارەساتا شنگالێ دا ل سەر ئاستێ حكوومی و هەماهەنگی لگەل پارێزگەها دهۆكێ هاتیە كرن،ژبۆ نیشاندانا فلمەكێ دكیۆمێنتی ل سەر كارەساتێ ب سەرپەرشتیا دەستەیا بلند.
دلایەكێ دی یێ كۆمبوونێ دا،ل سەر چالاكیێن بنگەهی و تایان ئاخڤین،ژوانا خەلاتكرنا 50قوتابیێن ئێزدی یێن سەركەفتی ژ هەردوو رەگەزان ل هەموو قۆناغان دا.
ل داویا كۆمبوونێ دا،گەنگەشە دناڤبەرا ئامادەبوویان دا هاتە كرن، ل سەر ئەنجامدانا گرنگترین چالاكیان ب هەلكەفتا بیرەوەریا كارەساتا شنگالێ.
تُتاح هذه الصورة أيضا في: کوردی
