شانۆگەریا كچ و ژنێن ئێزدیان رزگار بكن ل شاریا هاتە پێشكێشكرن
تۆرا لالش یا راگەهاندنێ
ژ پێخەمەت بیرئانینا كارەساتا شنگال وباشیك و بارزان،بنگەهێ لالش تایێ شاریا و ب هەڤكاری دگەل گرۆپێ ( Nashbir for Ever ) یێ شانۆیێ،چالاكیەك ب برگێن جۆراوجۆر ئەنجامدان.
ل رێككەفتی 5/8/2016 ل هۆلا لالش 1،ب ئامادەبوونا ژمارەكا مەزن ژ كەسایەتیێن ئیداری و حزبی و ریهسپی و رەوشەنبیر و خەلكێ دەڤەرێ،ئەڤ ب چالاكی ب هەلكەفتا ساخكرنا سالڤەگەرا كارەساتا شنگال و باشیك و بارزان هاتە ئەنجامدان،پشتی خۆلەكەكە رێزگرتنێ بۆ گیانێ جانگۆریێن كوردستانێ و كارەساتا شنگال رێ و رسمێن چالاكیێ دەست پێكرن، ل دەستپێكێ پەیڤا بنگەهێ لاش تایێ شاریا ژ ئالیێ”فەلاح خێری” ئەندامێ بنگەهی هاتە خووندن، پاشی شانۆگەریەكە هۆزانكی – تراژیدی ل سەر شێوازێ ئوپەرێت ژ ئالیێ گرۆپێ ( Nashbir for ever ) ب ناڤ و نیشان (كچ و ژنێن ئێزدیان رزگار بكن) ژ نڤیسین ودەرهێنانا “جەمال لالش”ڤە هاتە پێشكێشكرن.
دبرگەیەكا دی دا چەندین هۆزان ژ ئالیێ هۆزانڤانان (جەمال لالش، جەمال كودی، وردە عسمان، داود زیندین ،ئاراس عەلی )هاتن خووندن.
ل برگا داویێ سترانەك ل ژێر ناڤێ ( تەڤن وتەشی ) ژ بال سترانبێژێ دەڤەرا شنگال”قاسم سموقی” ڤە هاتە گۆتن.
تُتاح هذه الصورة أيضا في: کوردی