فەرمانا 74ێ یا بەردەوامە و وەك پێتڤی نەهاتیە دكیۆمێنتكرن
تۆرا لالش یا راگەهاندنێ
فەرمانا 74یا ب سەرێ ئێزدیان ل شنگالێ دا هاتی ژبال رێكخراوا تیرۆرستییا داعشێ ڤە، هێشتا یا بەردەوامە و وەك پێتڤی نەهاتیە دكیۆمێنتكرن،هەڤدەم ژی دبتە ئَێكەمین فەرمان دئێتە دكیۆمێنتكرن،داخواز دئێتە كرن هەموو دەزگەهێن ئێزدیان بوویەرێن وێ تۆماربكن.
مامۆستایێ زانكۆیا دهۆكێ(كۆڤان خانكی) بۆ دەنگێ لالش دیاركر،هەتا نۆكە كارەساتا شنگالێ وەكو پێتڤی نەهاتیە دكیۆمێنتكرنە ،ب هەزاران ئێزدی ئاوارەبووینە ئەڤ كارەسات و بویەرێن وێ كوشتن و گرتن و زولم هەموو ب چاڤێ خۆ دیتینە،هەرئێك ژوان ئەگەر نە چیرۆكەك ب دەهان چیرۆك ب سەرێ وی خەلكی هاتینە و ب چاڤێ خۆ دیتینە،پێتڤیە هەموو دەزگەهێن ئێزدیان و نەیێن ئێزدیان ژی ڤان بویەران تۆماربكن و دپەرتۆكان و گۆڤار و رۆژنامان دا بێنە نڤیسین و بەلاڤكرن و فلمێن سینەمایی و راپۆرتێن تلڤزیونی و ریپۆرتاج پێ بێنە چێكرن،ژ هەموو ئالیان ڤە پێتڤیە راگەهاندن ب رۆلێ خۆ رابتن،چنكو ب راستی كارەساتەكا گەلەك مەزن بوو و ژ دەزگەهەكی و چەند دەزگەهان و ژ وەلاتەكی ژی زێدەتر دەركەتینە،ژبەر هندێ ژی پێتڤیە هەموو رۆژنامەڤان ل رۆژهەلاتا ناڤەراست یێن جیهانی ئەڤان بویەران تۆماربكن،دیسان ژی ئەڤ تشتێن هاتینە دكیۆمێنتكرن هەرچەندە نە ل ئاستێ پێتڤی یە،بەلێ بۆ مەبەستا جینۆساید ناساندنێ هاتینە كۆمكرن و پێشكێِشی دادگەها كریە،ئەرێ ئەگەر نەبوو جینۆساید كی دێ جارەكا دی ڤان دكیۆمێنتا ژ دەستێ دادگەها و پارێزەران دەرینتە دەرێ، ژبەر هندێ ژی پێتڤیە ئەڤە بێنە بەلاڤكرن و د پەرتۆكان دە ژی،دا نەهەما دئێك جهی دا بمینن،دا ل پاشەرۆژێ هاریكاریا خووندەڤانا بكن و دا بزانن چ ب سەرێ ئێزدیان هاتیە.
هەروەسا مامۆستا (خێری ئبراهیم) بۆدەنگێ لالش خویاكر،ب راستی دكیۆمێنتكرنا ئەڤ كارەساتا ب سەرێ ئێزدیان هاتی ب تایبەت ل شنگالێ ژ ئەگەرێ هێرشا تیرۆرستێن داعش گرنگیەكا گەلەك مەزن وا هەی،هەر ژ بۆ مێژوویێ و بۆ ب دەست ڤە ئینانا مافێن قوربانیێن ڤێ كارەساتێ،هەر ژ پێشیا روودانێ هەتا نۆكە هەكە ئەڤ بوویەر نەهاتبانە دكیۆمێنتكرن ئەڤ پێشڤەچوونا جینۆساید ناساندنا ئێزدیان ل جیهانێ و رێكخراوێن نێڤ دەولەتی،چێدبا نە ل ڤی ئاستێ با ئانكو چ وەلاتان باش بەرێ خۆ نەدایێ،ئەم دكارن بێژن ئەڤ پێشڤەچوونا بخۆ ڤە دیتی هەموو ژ وێ هاتیە ئەڤ كارێن مەزن یێن هاتینە كرن چ پشتی روودانێ و چ دگەل روودانێ كو ئەو هەموو دكیۆمێنت ژ ڤیدیۆ یان ریكۆرد یان نڤیسین یان وێنە یان زاردەڤێ دیدەڤانان باشترین بەلگەنە و بەردەوام یێ تێنە دكیۆمێنتكرن ژی ژبەر وێ یەكێ ژی لەوما رێكخراوێن نیڤ دەولەتی و جیهانی گرنگیێ پێ ددەن،ژبەركو هاتیە دكیۆمێنتكرن ئەگەر هاتوو گرنگیێ هێشتا پێ بدەنە ڤێ كەیسێ دێ پێناسا جینۆساید ناساندنا ئێزدیان ئێتە ب جهئینان، هەروەسا بۆ مێژوویێ ژی گرنگە بەلكو نۆكە ئەم گەلەك گرنگیێ پێ نادەن بەس بۆ سەردەمێن بێتن ئەڤ دكیۆمێنتە دێ مفایەكێ گەلەكێ باش ژێ ئێتە وەرگرتن و ئەم دزانن هەتا نۆكە 74 فەرمان ب سەرێ ئێزدیان یێن هاتین،ئەڤ ئَێكەمین فەرمانە دئێتە دكیۆمێنتكرن،دوان هەموو فەرمانێن بۆری دا هندی ڤێ فەرمانێ نەهاتیە دكیۆمێنتكرنە،ژبەر وێ یەكێ گرنگیەكا مەزن واهەی و دێ مفایەكێ باش دكەیسا دەست ڤە ئینانا مافێ ئێزدیان دا كت دپاشەرۆژێ دا.
ژلایەكێ دیڤە ڤەكۆلەرێ جڤاكی(حەجی مەغسۆ)بۆ دەنگێ لالش گۆت:ددرێژایا مێژوویێ دا بەحس لێ تێتەكرن چەندین كارەسات و فەرمان ب سەرێ ئێزدیان هاتینە ئەڤە بوو 74فەرمان،لێ بەداخەوە ئەو تشتێن بەری نۆكە هاتینە نڤیسین ب دەستێن دووژمنێن ئێزدیان وەكی فارسا و عوسمانیا چەند دكیۆمێنتێن وان دا بەحسێ ئێزدیان هاتیە كرن دهەر تشتەكێ ل سەر ئێزدیان هاتیە ئاخڤتن ب دكیۆمێنت ژی هاتینە كرن،لێ قەلەم دانە ب كافر و خودێ نەناسن،هەر ژ زەمانێ شا ئسماعیل سەفەوی و هەتا ڤی سەردەمی ئەڤ فەرمان د بەردەوام بووینە ب سەدان گەنج و پیرەمێر و پیرەژن و زەلام كوشتینە و ژن و زارۆك برینە و فرۆتینە وئاینێ وان ژی گهۆرینە،ب دیتنا من دڤی چەرخێ بیست و ئێكێ دا باشترین دەرفەت هاتینە،چنكو میدیا جیهانێ یە ڤەكریە و جیهان ب زووترین دەم دبینن و گوه لێ دبن و پێشكەفتنا تەكنولۆجیایێ گەلەك كارەكێ باش د دەرهەقێ ئێزدیان دا هاتە كرن،ئەو بوو دكیۆمێنتكرنا ڤێ كارەساتێ ل پێش چاڤێ خەلكێ و جیهانێ ،ئەڤ تشتە هەموو ب رێیا ڤیدیۆ و وێنە و ریكۆرد و نڤیسنێ و فلما هاتیە دكیۆمێنتكرنە،بەری نۆكە مە گوه لێ دبوو د گۆتن هەفتی و چەند فەرمان ب سەرێ ئێزدیان هاتینە مە باوەرنەدكر و هەكە مرۆڤی باوەر ژی كربا،مرۆڤی نە دزانی ب ڤی شێوەی بوون،بەلێ ئیرۆ لبەر چاڤێ جیهانێ ب گشتی هاتە ئەنجام دان ژ وان گرتن و كوشتن و فرۆتن،ئەڤە دیار دكت كو ئەڤێن ڤان كاران دكن چەند ب هۆڤانە و درندانە ئێزدی ئێشاندن و هەژیە بێژین چ مرۆڤاتی و هەست و سۆز ل نك داعش نینە و درندەنە،دیسان گرنگیا ڤان دكیۆمێنتا هەموو ل جیهانێ بەلاڤ بووینە و دڤیا نەتەوەیێن ئێكگرتی و رێكخراوێن مافێ مرۆڤی و نێڤ دەولەتی هەموو رابن ل سەر ڤێ جینۆسایدێ كاربكن و ب جه بینن،هەروەسا ئێزدیان باوەری نینە جارەكا دی ل عێراقێ بژین لەوما هێشتا فەرمان یا بەردەوامە،چنكو نۆكە ژی وێ كوچ دكن و ب دەهان ژی ل دەریایێ ئیجەدا خەندقینە،لەوما داخوازا مافێ خۆ دكن و دبێژن ژلایێ وەلاتێن رۆژئاڤا ڤە ڤە بێنە پاراستن و ژیانەكا خۆش و بێ فەرمان بۆرینن،لەورا پاراستن و ژیانا ئێزدیان دێ دكیۆمێنتكرنا ڤان فەرمانا پارێزت.
تُتاح هذه الصورة أيضا في: کوردی
