ب داوی ئینانا قارەمانیا 16ئابێ یا تەپاپێ
تۆرا لالش یا راگەهاندنێ
ب هەلكەفتا بۆرینا 70سالان ل سەر دامەزراندنا پارتی دیموكراتی كوردستان و ب چاڤدێریا لژنا ناڤخۆیا پارتی ل خەتارێ،نڤیسینگەها لالش بنكەندی/دوغات و نڤیسینگەها لالش خەتارە 2و ئێكەتیا لاوێن خەتارێ قارەمانیا 16ئابێ یا تەپاپێ ب داوی ئینان.
ل رێككەفتی 16/8/2016 و ب ئامادەبوونا”ئدریس سلو”ئەندامێ دەستەیا بلندا بنگەهێ لالش و “خالد خودێدا”بەرپرسێ رێكخراوا رەسەن یا پارتی و بەرپرسێن رێكخراوێن خەتارە و داسن و ئەندامێن نڤیسینگەهێن لالش بنكەندی و خەتارە 1و 2و كۆمەكا وەرزشڤان و رەوشەنبیرێن دەڤەرێ،نڤیسینگەهێن ناڤبری یاریا داویێ یا ڤێ قارەمانیێ ب داوی ئینان كو یاریا داویێ دناڤبەرا تیما سرێچكا و زەورا یا خەتاری دا هاتە كرن و دئەنجام دا،تیما و زەورا یا خەتاری سەركەفت.
هەروەسا بەری بەلاڤكرنا خەلاتان ل سەر تیمێن سەركەفتی،وەك رێزگرتن بۆ گیانێ پاكێ جانگۆریێن كوردستانێ،ئامادەبوویی خۆلەكەكێ سەكنین،پاش”هاشم لەتیف” لژنا ناڤخۆیا پارتی ل خەتارێ دپەیڤەكێ دا ئاماژە ب رۆلێ گەنجان كر بۆ ئاڤاكرنا پاشەرۆژێ،هەروەسا ئدریس سلو”ئەندامێ دەستەیا بلندا بنگەهێ لالش پەیڤەك پێشكێشكر و تێدا ئاماژە ب رۆلێ نڤیسینگەهێن لالش و ئێكەتیا لاوان كر بۆ كارێ وان یێ هەڤبەش و سوپاسیا تیمێن پشكدار و سەرپەرشتێن قارەمانیێ كر.
دڤێ قارەمانیێ دا 20تیمان ژ دوغات و خەتارە و سرێچكا و خەوشابا و بابیرێ،پشكداری كربوو.
تُتاح هذه الصورة أيضا في: کوردی