بنگەهێ لالش هۆشداریێ ددەت ژ پیلانێت چەپەل ژبۆ تێکەلکرنا کاغەزا ل شنگالێ
گەلەک بمخابنی ڤە دەنگوباسێ رەڤاندنا دوو هاوەلاتیێن خەلکێ دهۆکێ ل قەزا شنگالێ ،وپاشی دیتنا کەلاخێت هەردووان .
ئەڤ تاوانا هەنێ نەیا ئێکێ یە و نابیتە یا داویێ ژی،چنکو پیلانێت چەپەل دهێنە کرن وهاتینە ئامادەکرن لناڤ قوولاچکێن تاری دا ژبۆ تێکەلکرنا کاغەزان ل شنگالێ وبۆ مەرەمێن دیار بۆ هەمیان،زێدەباری هەولێن نەسەرکەفتی ژبۆ چاندنا دووبەرەکیێ و فتنەکاریێ دناڤبەرا کوردێن ئێزدی دا بگشتی و خەلکێ دهۆکێ و گەلێ کوردستانێ دا،بۆزانین گەلێ کودستانێ وبتایبەتی خەلکێ دهۆکێ پێشەوازی ل خەلکێ مەکرن و هەمبێزکرن ل دەمێ ئاوارەبوونا وان ژ دەڤەرێن وان بەریا دوو سالان .
بێگومان هەبوونا گرۆپێن چەکدار ونە دەستووردای ل شنگالێ کو بریارێن خۆ ژ دەرڤەی سنۆرێ عیراقێ وەردگرن ولبن سیبەرا کاودانەکی ئەولەهیێ یێ نە کۆنترۆلکری ب سەدەما وان هێزان،دێ هەمیان بەرف بەرەلایێ بەتن و ئەڤ چەندە نە لدیڤ حەز وڤیانا هیچ لایەنەکی یە ژبلی ئەوێن نیازێن نە ساخلەم هەین وئەو بەرهەڤە بۆ ئەنجامدانا هەر تشتەکی ژبۆ مانا خۆ ل شنگالێ.
ئەم ل بنگەهێ لالش یێ رەوشەنبیری وکۆمەلایەتی ، ئەڤێ تاوانا کرێت ب تووندی رەسوا دکەین ،وداخوازێ ژ جهێن پەیوەندیدار دکەین هەمی شیانێت خۆ بدەنە کاری ژبۆ دیارکرنا ڤان تاوانبارێن کوژەک ورادەست کرنا وان بۆ داد گەها دادپەروەرانە و ب زووترین دەم ،هەر وەسا ئەم بەهیداریێن خۆ یێن گەرم پێشکێشی کەس وکارێن هەرودوو خودێ ژێ رازیێن بێگونەه دکەین.
دەستەیا بلندا بنگەهێ لالش یێ رەوشەنبیری وکۆمەلایەتی
3ـ10ـ2016
تُتاح هذه الصورة أيضا في: کوردی