پێتڤیێن كارگێرییان ل سەر قوتابخانێن شاریا هاتنە بەلاڤكرن
تۆرا لالش یا راگەهاندنێ 
ب ئارمانجا پشتەڤانیكرنا كەرتێ پەروەردێ و پێشكێشكرنا هاریكاریێ بۆ هەموو كارگێریێن قوتابخانان ل كۆمەلگەها شاریا،ل رێككەفتی 4/10/2016ێ،بنگەهێ لالش تایێ شاریا ب هەماهەنگی لگەل رێكخراوا هیومانتی یا چالاكیێن سڤیل و رێكخراوا(VOP)پێتڤیێن كارگێرییان ل سەر قوتابخانان بەلاڤكرن.
شاندێ هەرسێ جهێن ناڤبری ژبال رێڤەبەرێن قوتابخانان هاتنە پێشوازیكرن و سوپاسیا خۆ دەربرین و دووپاتكرن كو بنگەهێ لالش تایێ شاریا ل ماوێ سالێن بۆری پشتەڤانیا مەكریە بۆ دابینكرنا پێتڤییان و ئەم دبینن دبەردەوامن ل سەر ڤی كاری،سەرەرای كاودانان.
ژبال خۆڤە”دلگەش سەلیم”بەرپرسێ بنگەهێ لالش تایێ شاریا دووپاتكر كو ئەوا پێشكێشی قوتابخانان دكەین ل شاریا پشكەكا بچووكە و رۆلێ وە بلند دنرخینین سەرەرای قەیرانان،لەوا هون هەردەم جهێ رێزگرتنێ نە.
ئەڤ پێتڤی ل سەر قوتابخانێن(شاریا كەڤن یا ئاواران،سینا كەڤن یا ئاواران،ئامادەیا شاریا،ئامادەیا كەلەبەدرێ،شاریا بنەرەت،رێباز،دەریا،زیلان،داسن،مزگین،گرێپانا كەڤن،باخچێ شاریا یێ زارۆكان)هاتنە بەلاڤكرن.
ل داویێ سوپاسیا شاندی كرن بۆ ڤێ پشتەڤانیێ بۆ خزمەتكرنا خەلكێ دەڤەرێ.
تُتاح هذه الصورة أيضا في: کوردی