خودانێن كاڤلان ل هەولێرێ داخوازێ ژ ئاوارێن شنگالێ دكن ئاڤاهیان چوول بكن
تۆرا لالش یا راگەهاندنێ/رسالە شەركانی
ب دەهان خێزانێن ئاوارەیێن شنگالێ یێن كوردێن ئێزدی ل پارێزگەها هەولێرێ ئاكنجینە،داخوازا دابینكرنا پێتڤیێن وەرزێ زڤستانێ دكن و ئاشكەرا دكن كو خودانێن خانیێن كاڤل ژ وان خواستیە ئاڤاهیێن وان چوول بكن.
ئاوارەیێ شنگالێ”قاسم فەرمان”ل دەڤەرا عینكاوا ئاكنجیە دبێژت:”رەوشا مە ب زەحمەتە و پێتڤی ب هاریكاریێن مرۆڤایەتی نە و ب تایبەت دابینكرنا گازا سپی و جلكێن زڤستانێ یێن زارۆكان،هەروەسا خودانێن خانیێن كاڤلان داخوازێ ژمە دكن ئاڤاهیێن وان چوول بكەین و مە چوو جهێن دیتر نینن لێ ئاكنجی بین”.
هەروەسا ئاوارەیا شنگالێ”باران”دیاركر:”ژ رەوشا نۆكە دنالین و كەرەستەیێن خوارنێ و هاریكاریێن مرۆڤایەتی نینن،دیسان داخوازێ ژ جهێن شۆلەژێ دكەین گازا سپی و پێتڤیێن وەرزێ زڤستانێ بۆ مە دابین بكن”.
تُتاح هذه الصورة أيضا في: کوردی