قەمسەلە ل سەر قوتابیێن كەمپا مام رەشان هاتنە بەلاڤكرن
تۆرا لالش یا راگەهاندنێ
ل كەمپا مام رەشان یا ئاوارەیان،قەمسەلە ل سەر 804قوتابیێن خووندنا كوردی هاتنە بەلاڤكرن.
ل رێككەفتی 8/11/2016ێ،ب ئامادەبوونا كارگێرا لقێ 20ێ پارتی و نوونەرێ لقێ 17یێ پارتی و رێڤەبەرێن كەمپێن مام رەشان و شێخان و ئێسیان و رێڤەبەرێ پۆلیس و ئاسایشا كەمپێ و نوونەرێن بنگەهێ لالش تایێ شنگال و لاوێن شنگال و رێڤەبەر و ئەندامێن دەستەیا خووندنێ یا قوتابخانا كەمپێ یا كوردی،قایممقامێ قەزا شێخان چاڤ ب دەستەیا خووندنێ و قوتابیان كەفت و دپەیڤەكێ دە بەحسێ گرنگیا زانستی و رەوشا نۆكە و گرنگیپێدانا حكوومەتا هەرێمێ ب هەموو تەخێن جڤاكی و ب تایبەت قوتابیان كر،زێدەباری رەوشا ئاوارەیان و پێكۆلێن دئێنە كرن بۆ سڤككرنا ئازارێن وان و چاوانیا ڤەگەراندنا وان بۆ سەر مالێن خۆ.
ل داوییا دیدارێ و ب بەشدارییا ئامادەبوویان رابوو ب بەلاڤكرنا قەمسەلا ل سەر 804قوتابیێن خووندنا كوردی،كو ژبال رێكخراوەكێ ڤە هاتبوونە پەخشین.
هەروەسا قەمسەلێن سپی ل سەر 374قوتابیان هاتنە دابەشكرن وەك جلكێن ئێكگرتی،كو رێكخراوەكێ پێشكێشكربوون ب رێیا قایممقامیا قەزا شێخان.
تُتاح هذه الصورة أيضا في: کوردی